洪師父牛肉麵

Open Now

Now Closed

星期日中午 大約12點嚟到，不需等位，入面仲有吉位，可以直接入。我哋坐靠門口的卡位，唯一唔好處就係出面商場走廊的行人可以直接望到我哋張枱，人來人往 咁，除咗畀人望實食啲乜之外， 出面等位嘅客人會企起你張枱隔離，冇遮冇擋咁直接望住你食嘢， 好似唔係太衛生。anyway坐落咗先體驗到咁樣，費事轉位。 我哋點咗三樣菜式，有炸雞 ，豬耳 同埋紅棗椰子雞湯飯，個飯係配一碟菜，我哋揀咗 肉燥娃娃菜，仲另外加 一杯飲品凍檸樂。 上菜係有少少慢嘅 ， 要畀啲耐性 。另外，原來個肉燥係有少少辣， 好在冇將佢撈喺啲菜度，如果唔食得辣嘅，就會成碟菜食唔到，浪費咗。 最好味係個湯飯個湯好重椰子味 ，三個人食咗217蚊都算幾抵啦。