Video
Read full review
2024-01-06
37 views
check in Taipei由中環店開始，我就好鐘意，近期佢新店在銅鑼灣世貿落戶啦，今日專登過嚟打卡，美麗嘅環境必須用影片記錄一下。餐廳裝修以臺灣鐵路作為設計靈感，大廳天花有種身臨其境嘅戲場感，牆上則是用手工木拼成嘅阿里山日落，漸變色彩非常浪漫。聽朋友講佢新出咗好多限定甜品都勁好味，賣相都係十分Igable ,原本想試吓佢個「萌萌傻鴨」可惜賣晒啦。就試咗另一款人氣甜品「芋泥三Q拿侖」。酥皮脆薄充滿牛油香，中間有肉鬆、芋泥麻糬，最上面系鹹蛋黃同忌廉，咬落口感層次非常豐富好味。蒜香三色台腸 ，原味、黑椒味、墨汁味，三種顏色三種味道，肉味香濃，蒜香惹味。肉鬆皮蛋蛋餅，蛋餅皮包住煙韌嘅肉鬆同Q彈嘅糖心皮蛋，有咬口又有層次。招牌牛肉麵（台灣寬粉絲、手工刀削麵）呢度主食甜品都好好味。忍唔住要試晒佢兩種麵，台灣寬粉絲同手工刀削麵，我初初就係勁鐘意手工刀削麵嘅細膩Q彈，因為手工製作，佢比較闊身亦有口感。但食咗台灣寬粉絲，都真係覺得呢個寬粉絲都同牛肉湯底系絕配，晶螢剔透，入口爽滑。配軟冧入味嘅牛展，肉質鮮甜有質感。再加上湯碗邊配有自製牛脂油，就更香口。臺北棧銅鑼灣告士打道280號世貿中心4樓7號
check in Taipei由中環店開始，我就好鐘意，近期佢新店在銅鑼灣世貿落戶啦，今日專登過嚟打卡，美麗嘅環境必須用影片記錄一下。
餐廳裝修以臺灣鐵路作為設計靈感，大廳天花有種身臨其境嘅戲場感，牆上則是用手工木拼成嘅阿里山日落，漸變色彩非常浪漫。
聽朋友講佢新出咗好多限定甜品都勁好味，賣相都係十分Igable ,原本想試吓佢個「萌萌傻鴨」可惜賣晒啦。就試咗另一款人氣甜品「芋泥三Q拿侖」。酥皮脆薄充滿牛油香，中間有肉鬆、芋泥麻糬，最上面系鹹蛋黃同忌廉，咬落口感層次非常豐富好味。
蒜香三色台腸 ，原味、黑椒味、墨汁味，三種顏色三種味道，肉味香濃，蒜香惹味。
肉鬆皮蛋蛋餅，蛋餅皮包住煙韌嘅肉鬆同Q彈嘅糖心皮蛋，有咬口又有層次。
招牌牛肉麵（台灣寬粉絲、手工刀削麵）呢度主食甜品都好好味。
忍唔住要試晒佢兩種麵，台灣寬粉絲同手工刀削麵，我初初就係勁鐘意手工刀削麵嘅細膩Q彈，因為手工製作，佢比較闊身亦有口感。
但食咗台灣寬粉絲，都真係覺得呢個寬粉絲都同牛肉湯底系絕配，晶螢剔透，入口爽滑。配軟冧入味嘅牛展，肉質鮮甜有質感。
再加上湯碗邊配有自製牛脂油，就更香口。
臺北棧銅鑼灣告士打道280號世貿中心4樓7號
Post
