Baker Talent

Open Now

Now Closed

黎自新加波既Baker talent，呢幾年越開越多分店~記得第一次試佢地既產品就係芝士撻，食過之後就認定佢係CP值高既一間麵包鋪。事隔一排，發現多咗好幾間鋪頭，於是再去試下，睇下其他包既質素係點先!今次去既係Mikiki分店，鋪頭係開放式設計，加上用木架同波波燈，感覺好有日系簡約風格麵包選擇方面唔算好多，都係比撲實既款式，而且價錢唔貴~我地簡咗咖央包同麻糬波波，再加埋自家樽仔奶茶，加埋60幾蚊，份量夠我乎一家人食三日，抵XD咁究竟味道如何呢?其實黎自新加坡既麵包鋪，咖央一定唔會差得去邊，果然咖央包既咖央醬好濃，26蚊大大個抵食!麻糬包相比之下就無咁亮眼啦，不過都chewy既，而家d麻糬波波動輒10蚊個，講真30蚊7個真係抵買!最後就係樽仔奶茶啦~其實好少麵包鋪有自定樽仔奶茶賣，所以都幾期待~飲落茶味算濃，奶同茶既比例都唔錯，如果再滑順D就perfect啦!總括黎講Baker talent算係大件夾抵食既麵包鋪，平時想平平地買個包做早餐真係不二之選!