HeSheEat (THE FOREST)

Open Now

Now Closed

終於一大班人出嚟食飯，行開旺角搵返間就腳嘅餐廳。hesheeat係我中學時期銅鑼灣主要食甜品，但依家已經發跡到有齊晒午餐晚餐，燴飯意粉。今次為咗重拾中學時期嘅回憶，就嚟試吓。Coconut Pandan Latte ($48)斑斕味道幾重，配搭上都唔錯，係幾特別香味latte。Baby Blue Mike shake ($56)藍色嘅雲呢拿雪糕加上cream，味道有啲甜，可能我唔太鍾意甜嘢，真係有啲甜。煙三文魚柚子沙律 （$88）柚子加黑醋汁，不過啲柚子有啲偏苦，如果麻麻地柚子就可以選擇其他。松露蟹肉牛油果蕃茄莎莎配墨西哥餅（$98）呢個配搭幾新鮮，之前都冇試過，牛油果配松露蟹肉再加蕃茄，口味層次獨特。薯條配黑松露醬（$62）正常配置，味道冇話啲咩特別個醬都OK唔錯。香煎三文魚明太子忌廉會扁意粉 （$138）估唔到佢啲意粉幾出色，醬汁調味調得幾好，用料都好充足。龍蝦汁海鮮燴意大利飯（$158）啲蜆大大粒蝦都大大隻，雖然佢啲前菜唔係特別，但係佢啲飯同意粉的確唔錯，大家都可以試吓。