和道屋

Open Now

Now Closed

去尖沙咀經過，見到一個玻璃門入面坐住個無面男，比佢吸引左，入去食晚飯。經過無面男同佢影張相，就上一層到餐廳部份。餐廳裝修都好多日式擺設，門口仲有部夾野機。坐低無耐，侍應好快已經放茶同餐牌，最後因為我同老婆大愛芝士既芝士控，揀左個清酒芝士火煱二人餐。一上黎中間放左個熱溶既芝士水池，水池則邊放左四樣食物，見到龍蝦肉，即刻掉佢落去游下水先，芝士配龍蝦，永遠都唔差。芝士味濃，龍蝦肉唔會梅，都好正常貨。跟住到和牛去游，和牛油份已經高架啦，配埋芝士，夠哂沉淪。炸生蠔，生蠔夠大隻，唔厚粉，有汁。試埋個蘆筍，配埋個芝士，又幾好食喎，爽口。半打生蠔，雖然唔算大隻，但都幾夠蠔味。有其他晒料一齊。刺身盛盒，都幾多款式，份量足夠，種類都算多，新鮮唔錯。三文魚頭，夠晒大件，仲有埋個鮫位，魚油充足，好食。海膽甜蝦刺身杯，海膽雖然唔大塊，但都算甜唔苦，蝦正正常常火灸壽司：有左口，吞拿，三文，和牛，件件都燒一燒過香氣十口。漬酒：凍飲，幾香，容易入口，帶甜。環境充滿日本feel，侍應親切，又helpful