生記海鮮酒家

Open Now

Now Closed

哩間酒樓環境優美，碟碟都大件夾抵食，品質一流1）鴻運乳豬全體皮脆肉嫩，彈牙有口感，味道剛剛好，唔會油膩得嚟有少少肉汁流出嚟，係味覺幾種層次嘅享受。2）高湯焗澳洲龍蝦伊麵底（轉芝士）龍蝦好大隻，味道好鮮甜，肉質彈牙幼嫩，伊麵彈牙得嚟索晒超香濃嘅芝士，超級推介👍🏻好食到暈～3）翡翠珊瑚蚌玉帶一上台勁吸晴，翠肉瓜配三色椒，顏色好鮮艷，配埋個帶子同珊瑚蚌，味道新鮮，炒得剛剛好，彈牙好食🤤4）蟹籽百花釀魚肚哩碟勁吸晴，有蟹籽同蛋白芡做點綴成碟餐點高一層次，百花釀魚肚好入味好滑好好味！5）紅燒竹笙海皇燴花膠花膠滑，竹笙彈牙，成碗湯羹好入味好味😋6）清蒸大海金尾斑條魚好大條，鮮甜入味得嚟幼滑，好好食！7）蠔皇花菰扣八頭鮑魚花菰同鮑魚都好大隻，一咬落去啲汁出晒嚟，厚肉得嚟好滑好入味！8）至尊脆皮燒鵝皇勁大隻！有兩隻髀！燒到好香，鎖住晒啲肉汁，勁好食🤤9）西絲海皇炒飯有蝦又有帶子勁足料，配埋翠玉瓜炒飯好香，粒粒分明，好好食！10）精美糕點今日係紅豆沙同豆腐花，我地兩樣各要3碗。紅豆沙好足料，好香陳皮味但又唔會苦唔會搶咗紅豆嘅甜。豆腐花好香滑，配埋黃糖好好食！今餐碟碟都又大又好食，賣相一流，價錢又抵，勁高