Video
Read full review
2025-01-15
0 views
今日路經長沙灣元洲街搵朋友,兼食午飯,問了朋友（元洲村街坊）有什麼推介. 結果,朋友告知此小店就快結業,所以決定去試一試.餐廳名字「元洲牛肉麵」總店位於長沙灣,已經開了十多年, 主打每天限20碗的鎮店紅燒牛肉麵,清湯牛坑腩&牛三寶飯/麵.今天來到此店也食到出名的”紅燒牛肉麵“&“清湯牛坑腩”及網上好多人推介的飲品“羅漢果菊花茶”紅燒牛肉麵（$60）~ 好彩仍然可以試到,大大塊牛肉（牛展肉）好入味, 少許彈牙. 湯底有牛香夠濃郁不過有少少偏辣🥵紅燒牛肉雖然厚切但是好入味, 煮到好腍,有少少汁唔會太乾. 清湯牛坑腩 （$43）~絕對價錢取勝, 大大件牛坑腩約7-8件,分量十足.湯底清甜, 蘿蔔亦都好好味. 可惜只得一件蘿蔔😅. 不過牛味比較淡相比紅燒牛肉麵.羅漢果菊花茶~廚師告知是自家每天煲的. 味道甘好少甜,入口甘香, 飲到羅漢果味. 最近天氣乾燥,飲完一樽後喉嚨都舒服了.（朋友喝了一口話好苦🤣）有幸地見到廚師一面及聊了幾句, 廚師姐姐好親切又大方給我們合照.她表示一人打理總個廚房真的有少少辛苦,每早準備煮牛肉&牛腩, 之後每一碗美食都要經過她一雙手處理, 直到下班. 而且,她堅持每天都
餐廳名字「元洲牛肉麵」總店位於長沙灣,已經開了十多年, 主打每天限20碗的鎮店紅燒牛肉麵,清湯牛坑腩&牛三寶飯/麵.
今天來到此店也食到出名的”紅燒牛肉麵“&“清湯牛坑腩”及網上好多人推介的飲品“羅漢果菊花茶”
紅燒牛肉麵（$60）~ 好彩仍然可以試到,大大塊牛肉（牛展肉）好入味, 少許彈牙. 湯底有牛香夠濃郁不過有少少偏辣🥵紅燒牛肉雖然厚切但是好入味, 煮到好腍,有少少汁唔會太乾.
清湯牛坑腩 （$43）~絕對價錢取勝, 大大件牛坑腩約7-8件,分量十足.湯底清甜, 蘿蔔亦都好好味. 可惜只得一件蘿蔔😅. 不過牛味比較淡相比紅燒牛肉麵.
羅漢果菊花茶~廚師告知是自家每天煲的. 味道甘好少甜,入口甘香, 飲到羅漢果味. 最近天氣乾燥,飲完一樽後喉嚨都舒服了.（朋友喝了一口話好苦🤣）
有幸地見到廚師一面及聊了幾句, 廚師姐姐好親切又大方給我們合照.她表示一人打理總個廚房真的有少少辛苦,每早準備煮牛肉&牛腩, 之後每一碗美食都要經過她一雙手處理, 直到下班. 而且,她堅持每天都會整理好一個廚房先下班,整潔衛生是好重要. 良好的廚房環境, 先能夠讓食客食得安心又放心. 這一點我好佩服小店的宗旨及精神.
食完後覺得有點可惜,香港又少一間地道小店. 人情味的街坊店. 下午茶仍有$20一碗魚蛋麵,可令是區內街坊的平價美食之選（冬天食一碗夠飽又溫暖）
希望,老闆搵到新舖後再可以在同區重開給元洲村街坊多一間美食之選🖐️
2025年1月15日就是餐廳最後一天營業,如果想去試一試或者重回那些回憶的味道,就要把握最後機會.
元洲牛肉麵
地址:長沙灣元州街498號青華閣地下I號舖
Post
