牛響度麵館 (Aeon Style)

Open Now

Now Closed

今日同FD去吉之島買年貨，睇到food court哩間麵店唔錯，咁試試啦。可口可樂同百香果冷泡茶，跟餐加配，用咗綠茶做茶底，飲落清甜唔會苦，再加埋百香果，味道層次好豐富好清爽。慢煮嫩滋味手撕雞（口水），估唔到小食分量都幾大下，雞肉撕到好細，每一啖都裹曬醬汁，食落香辣嫩滑。溏心蛋（1隻），用甜味豉油醃制，蛋白同蛋黃都好惹味。蛋黃偏膠質，入口即化又好軟糯。沙茶牛三寶熱絆刀削麵，揀咗招牌蔥油撈制。三寶有金錢肚，牛筋同鹵牛面頰，刀削麵用咗臺式果款，食落醬汁偏甜，面有韌勁。牛筋悶到軟爛，醬香味濃郁。韭菜豚肉小雲吞（淨食20隻），小雲吞自家製，食落皮薄肉厚，韭菜味濃郁，一啖一個。湯底用骨頭煲制，飲落清甜，搭配小雲吞一流。