Video
Read full review
2024-03-07
1093 views
八十里價錢💲: $198/ $566/ $348/ $158/ $118/ $128/ $58/ $58好味程度😋: 4/5服務🍴: 3.7/環境🗾: 5/5性價比🥢: 3.3/5回頭率😚: 3.3/5-係lcx的餐廳基本上全部都有海景，但呢間餐廳的海景係最開揚，坐擁270度景觀，超級靚🥹同時有個户外露台outdoor座位，比你行出去影下相。佢哋主打川滬菜，但同時都有啲fusion元素，仲有唔同cocktail mocktail，選擇幾多。-✅✅櫻桃鴨肝。上碟就好似一幅畫咁❤️ 鴨肝收埋係一個晶瑩剔透的紅色啫喱外殻入面，口感非常綿滑。連埋外皮會一齊係口腔入面唔洗咬都化開。臊味無鵝肝咁濃烈，但內臟味道都難免一定係。做工同外表都好賞心悅目😌-✅波士頓龍蝦泡飯。大約可以分成4碗左右，用石鍋上非常熱辣辣。侍應會先淋上濃湯再自己加入脆米，確保食到飯粒同脆米2個口感😋 湯確實係鮮甜，好似海鮮濃湯咁。但如果可以重龍蝦味d就更出色。-✅煙燻辣子通心鰻。雖然好多辣椒，但味道唔會好辣。通心鰻魚其實係豬腸中間釀入鰻魚，煙韌又彈牙。豬腸起左d肥膏出來所以唔會好膩，而鰻魚主要係食個口感。成粒都炸過，加埋🌶️花椒等好
價錢💲: $198/ $566/ $348/ $158/ $118/ $128/ $58/ $58
好味程度😋: 4/5
服務🍴: 3.7/
環境🗾: 5/5
性價比🥢: 3.3/5
回頭率😚: 3.3/5
-
係lcx的餐廳基本上全部都有海景，但呢間餐廳的海景係最開揚，坐擁270度景觀，超級靚🥹同時有個户外露台outdoor座位，比你行出去影下相。佢哋主打川滬菜，但同時都有啲fusion元素，仲有唔同cocktail mocktail，選擇幾多。
-
✅✅櫻桃鴨肝。上碟就好似一幅畫咁❤️ 鴨肝收埋係一個晶瑩剔透的紅色啫喱外殻入面，口感非常綿滑。連埋外皮會一齊係口腔入面唔洗咬都化開。臊味無鵝肝咁濃烈，但內臟味道都難免一定係。做工同外表都好賞心悅目😌
-
✅波士頓龍蝦泡飯。大約可以分成4碗左右，用石鍋上非常熱辣辣。侍應會先淋上濃湯再自己加入脆米，確保食到飯粒同脆米2個口感😋 湯確實係鮮甜，好似海鮮濃湯咁。但如果可以重龍蝦味d就更出色。
-
✅煙燻辣子通心鰻。雖然好多辣椒，但味道唔會好辣。通心鰻魚其實係豬腸中間釀入鰻魚，煙韌又彈牙。豬腸起左d肥膏出來所以唔會好膩，而鰻魚主要係食個口感。成粒都炸過，加埋🌶️花椒等好香口😜
-
✅黃金龍蝦酥。以蘿蔔絲酥餅成為龍蝦的身體，原隻龍蝦咁，望落好有睇頭😎個酥好鬆化，入面有一絲絲的白蘿蔔，混合龍蝦肉，特別高貴。如果🦞鮮味可以同蘿蔔絲的清甜味道並排就好，而家蘿蔔味道比較出。
-
✅✅楊枝甘露。係一道食得的楊枝甘露。中間以奶凍做主角，側邊好多柚子肉，淋上芒果汁，味道酸酸甜甜☺️ 芒果汁好天然，加埋大量柚子肉，又真係一個好好食的甜品。
-
✅胭脂玫瑰草莓奶凍。呢個甜品比楊枝甘露仲靚，因為有上面個片粉紅色薄脆。奶凍以一個個圓波波做成，中間隔住一片片🍓，加埋面頭的cream，一啖食就有唔同層次。而佢的士多啤梨味都唔假。
-
✅✅桂花烏梅蘇打。烏梅味好濃😳 小小桂花碎代出桂花的淡淡清香。同埋蘇打飲落最爽！
-
✅桂花青檸菠蘿冰茶。飲落比較淡，似係桂花茶咁。果味唔夠出。
-
因為個景觀絕對值得時一次！食物都ok，幾特別同有心機做🤓 但龍蝦菜式可以再鮮甜d！
Post
