螢壽司 (Closed)

有一晚經過京都廣場，同個ｆｄ想食壽司，就黎左呢間食啦。上到去好快就有人招呼我地喇。點左ｄ野食，ｄ前菜好快就到喇。雜錦魚生沙律，用料幾好，除左三文魚之外，仲有北寄貝、鯛魚、鏗魚同玻璃蝦，配住個沙律汁食，好開胃。雜錦魚生盛，係兩人既份量，雖然份量同款式都好少，但食落口係勁新鮮！而且佢地師傅係厚切，食落口個質感比一般刺身豐滿好多。鹽燒活鰻魚串，我就唔係太鐘意食鰻魚，因為無乜口感，而且有ｄ地方整我好咸，但呢個鰻魚比較厚實，但又唔會好乾好硬，岩岩好。原條鰈魚天婦羅，呢個係見佢幾特別，而且出面未見過，所以就點喇，份量比想像中少但係炸左之後既魚肉仍然係ｊｕｉｃｙ既，唔知係咪呢隻魚比較軟綿，唔洗點咬就食到。白玉冷素麵，呢個係見隔離枱叫左先叫，因為我ｆｄ好鐘意食蕃茄，見到呢個就係咁話要試，白玉即係豬肉，肉味有，但口感不過不失，而個麵質就比較淋，所以我唔係好岩食，但係我個ｆｄ就一路食一路話好味，因為呢個麵個醬係有好濃既鮮蕃茄味，如果係蕃茄控就唔好錯過佢啦。