十二少海鮮刺身牛肉火鍋專門店 (Closed)

今次黎到大圍覓食，就係聽到朋友仔講大圍有間火鍋店都搞Omakase，仲要$298一位，深深吸引左我黎試！特濃蕃茄湯底超濃郁既蕃茄湯底，而且有啲薯仔粒一齊煲，粒粒薯仔都好好食！刺身拼盤三文魚、希靈魚、虎蝦估唔到都有刺身食，正正常常都夠新鮮！海鮮拼盤原隻大蟹，都幾多肉！然後有好多貝殼類海產同埋生蝦，份量都好多夠曬抵食！肉類拼盤牛頸脊、黑毛豚腩肉、雞件、牛胸爽、金錢展肉類都非常多選擇，而且款款一淥之下非常嫩口。十二少四寶丸、手工四寶餃每款餃子同丸都係手工製，最驚喜有款餃子係有辣椒好醒胃！再送一盤生菜，整體黎講298食到咁多海鮮同肉類都算係非常抵食，另外需要加一同埋醬油費每位$10。