Pancake House HoiHoi (荃新天地) (Closed)

身為🥞lover，今日專誠去位於荃新天地嘅Pancake House，試吓同事推介嘅抵食荃灣分店限定Set for 2。$300有找就有齊兩款主食+兩款甜品+兩杯飲品。漢堡塔總共有三層漢堡肉，睇住啲肉汁不停流出嚟，已經口水流。夾埋蕃茄、生菜同芝士，加埋比手掌仲要高，真係好吸睛！薯條熱度夠而且相當脆，特別好食。鐵板名古屋茄汁海蝦意粉薄薄嘅蛋皮鋪喺鐵板之上，酸甜開胃茄汁掛滿每條意粉，連埋食唔完咁多嘅腸仔同大大隻海蝦，絕對足料。提拉米蘇梳乎厘班戟原味楓糖牛油梳乎厘班戟梳乎厘班戟輕盈鬆軟又唔會只係得陣風。提拉米蘇上有士多啤梨，裝飾之餘又可以讓士多啤梨嘅自然酸中和返個甜度；楓糖牛油味道獨特，牛油搽喺班戟之上，班戟吸滿牛油咸香味，份外美味。芒果沙冰阿華田沙冰芒果沙冰大啖cream加埋兩大粒芒果冰，顏色靚又好味。阿華田沙冰就有阿華田粒粒鋪喺面，先有脆脆口感，及後半融就增加沙冰濃度。難得兩杯沙冰都唔會過甜，特別適合夏天消暑。