Cô Thành (Moved) New Location

今日3個人，又再嚟試越南粉，因為我地都唔係大食一族，所以多個人就可以叫多份春卷試。為咗唔洗排隊，當然係1:45左右先去到啦。上次試完Bün mäm，今次試Bün Thái，魚蛋質地同上次唔同，冇咁彈牙。蝦有3隻，都係唔洗拆殼，不過細隻咗。墨魚圈好甜。仲有3塊牛肉，但浸得太耐，冇咩味道。湯有少辣。成碗都算唔錯嘅。Chà Giò 我同兩位友人都食唔到，入面包住啲咩，但口感非常實在，好食。但係得5條，好難分得均衡囉。Cà phê süa dá 咖啡味唔濃架，但係有香味，飲完條氣都唔會唔舒服。我平時飲咖啡實反胃。同事飲 Düa，呢餐都覺得好飽。3個人埋單 $539。