魚尚 (連城廣場)

Open Now

Now Closed

今天天氣熱到不得了，最好都係食壽司涼一涼，但係又唔係幾想去X因為真係唔係太好食。行過見到呢間又係三蚊一舊，所以真係要試一試。最好食的還是三文魚壽司，刺身係新鮮既，但係都係太薄，不過3元一件又真係唔可以要求太多。另外果隻帶子壽司都真係幾乾身，好似乾瑤柱咁，真係有少少難頂。玻璃蝦壽司望落去似乎唔錯，但食落去又係無味，都係果句，3元一件又真係唔可以要求太多。最值得一提係，部份壽司咬落去D飯有少少硬，好似唔係好煮得熟咁，咁呢個又真係太過份了，呢個要求好基本。為求飽肚又想平，都係一個好選擇黎既。如果要有要求，去SUPERMARKER會好少少。