舞鶴鐵板燒 (Closed)

步入店內感覺空閒好寬落，每位座位位置都好鬆動，放私人野，食野起黎都幾舒服方便。其次服務方面，店員都好熱情，而且我地食開放式鐵板燒，面對住廚師烹調野食，廚師亦都十分好說話有講有笑，唔會好似平時出面果d一味頭Dum dum得個做。重點講到食果方面，食材都十分一流，睇下我打卡既相就知，特別個元貝不得了，肥美到果舊膏要切開3舊先擺到落口，去街市根本搵唔到咁肥美。其他食物方面我地仲叫左鮑魚，蟶子之類，都係十分大隻。而我面前呢位廚師除左傾得講得，煮野食都好用心，而且手勢絕對係睇得出個經驗同嵗月，所有整出黎既野食火喉都岩岩好，例如鮑魚同蟶子，軟熟到我相信老人家都食到，而靖魚就外脆內多汁。成餐飯整體覺得非常滿意同滿足，約三五知己黎食，點埋枝白酒或者清酒，真係十分一流，所以我專誠同各位推介。