拉麵天王 (Closed)

3號風球，岩岩覆診完，諗緊食咩好，路經見到呢間拉麵天王，門面好日式，一個人食拉麵就最岩喇~入到去，一排椅圍住煮拉麵既位置，師傅在內，一貫日式拉麵店既裝修，2點左右都仲咁幾多人不停入黎~餐牌今期限定有兩款胡椒天王 - 黑胡椒芝士拉麵 味噌天王 - 帆立貝味噌拉麵對於我呢個芝士控黎講，二話不說就即刻揀芝士拉麵啦胡椒天王 - 一上枱，正呀，好多芝士粒喺碗拉麵度，先試一啖湯，重胡椒味，少少辣，慶慶個喉嚨幾舒服。撈一撈芝士同湯，芝士頓時溶化，夾起做到拉絲既效果，食落芝士味濃，同胡椒味結合別有一番風味。麵既硬度我選正常，唔太軟唔太硬，岩岩好。叉燒份量都唔少，流心蛋蛋黃好鮮，一啖食落口連埋啲湯就最好味。豚角煮 - 係五花腩再上燒汁燒出黎既，燒汁甜甜地配落五花腩好夾，佢燒出黎，所以好香，入口亦好淋~ 忌廉 - 樽裝上，懷舊啲，幾特別~