金城餐廳 (Moved) New Location

經朋友介紹來到筲箕灣的「金城餐廳」，店舖表面像普通的茶餐廳，但原來隱藏著一些絕世美食。«摩囉雞飯» $65原自於葡萄牙航海時代，創作者係航海人員，佢地運用香料將食物調味，所以用黃薑將白飯染成黃色，有別於咖哩飯。真正的摩囉雞飯是源至於澳門茶餐廳的菜式，在香港很少茶餐廳會做摩囉雞飯。這碟摩囉雞飯是餐廳的招牌之一，金黃色的飯混合有葡萄子乾，食落甜甜和鹹鹹的，食之前再將太陽蛋吉穿，把蛋黃汁撈勻，連埋炸好的雞扒一齊食，就最適合不過。«椒鹽鮑魚» $140椒鹽鮑魚的感覺幾得意，自己煮一定不會將鮑魚拎去炸，鹹鹹地的外皮包住雪白的鮑魚 ，每口咬落都好彈牙， 呢度大概有十隻鮑魚， 食開重口味既我，就連埋鮑魚底下嘅煎炸脆脆以及伴菜一齊食。« 龍躉炒河» $108廚師是用幼身河粉，真係好考功夫，因為幼身很難炒，易斷。餐廳每天都會生劏一條龍躉，真是落重本 ，龍躉肉很厚身、鮮甜，煎好後再加一層透明芡汁上，就可以食用。« 紅蘿蔔粟米栗子糖水» $18糖水日日不同， 風格很特別，驟眼望去，還以為是中湯，有粟米、栗子、冬瓜，這是水上人煮糖水的風格，大約每晚六點鐘開始賣。這間餐廳的食物很特別，下次會再來試多幾樣餸。