一鍋堂 (XX Arcade) (Closed)

*此餐廳收取加一服務費。C餐120分鐘晚市火鍋放題19:00-21:30入座（兩人$576），澳洲M5和牛板肉，油脂分布平均，但中間部分有肉筋，所以無咁鍾意。檳城喇沙湯（跟餐$0），帶有椰子、蝦醬味道，豆卜食落充滿喇沙湯底，幾好味。手切牛脊肉（跟餐$0），肉質厚嫩，需要咀嚼比較耐。限時無添加300天安格斯牛肉（跟餐$0），肉質嫩滑，牛味濃厚。魔鬼辣安格斯牛肉（跟餐$0），辣度兩分，但同行嘅家姐食唔到此辣度，表面鋪滿辣椒、辣粉，但略嫌牛肉肉質太厚身，口感類似滑牛肉，尚未入味。封門柳（跟餐$0）。精選進口牛板腱（跟餐$0）。美國安格斯牛肉（跟餐$0）。手串生猛海蝦（跟餐$0），肉質爽口，食落好新鮮，一扯就食到成隻蝦嘅肉，好滿足，就咁食就品嚐鮮味，點下辣椒柚子鼓油就好惹味。沙白蜆、珍珠貝（跟餐$0），肉質飽滿，味道鹹鮮。蝦滑釀油炸鬼（跟餐$0），表面鋪有蟹籽，蝦滑口感彈牙，味道鮮甜，但略嫌無釀得夠深，油炸鬼吸收滿滿湯汁。