Video
Read full review
2024-08-08
8393 views
想搵間平平地嘅雞煲連火鍋，發現尖沙咀竟然有餐廳$300都唔使就埋到單。而家只要係店家Page做齊like+share+comment，仲送蒸海鮮。餐廳偏向麻雀雖小，五臟俱全個類，平有平做。雖然當晚去係平日，但據聞都全場full，都有啲嚇親竟然咁旺場。熊本皇牌套餐 $268．送日式和風雞煲，內有紫薯，係幾得意又創新嘅做法．雞煲醬汁都幾特別，應該係自家秘製個類醬汁，雞件再滑啲會更好，整體都幾入味．次序會係先食雞煲，後送上海鮮，最後食火鍋．可以任食頂級牛肉(牛小排)、牛肩胛、保濕豬豚肉同雞肉．牛肩口感會比牛小排好，不過香味就牛小排略勝一籌．估唔到保濕豬豚肉味道同口感都幾好，連我呢個牛魔王都忍唔住狂食豬肉片．另有任食火鍋配料同飲品．火鍋配料都有啲特別嘅丸類，例如墨魚丸、釀咗咖喱嘅魚蛋、海苔鹹蛋黃丸等，最後個款都幾推薦大家試吓．餃子方面都幾鍾意韭菜豬肉餃，好重韭菜香蒸海鮮．共有5款海鮮，包括：蒸鮑魚、蒸生蠔、蒸帶子、蒸扇貝、蒸蝦．幾啱海鮮迷．蒸蝦嘅味道尚算可以甜品．除咗有Dreyer's雪糕，仲有雪糕泡芙+一啲少見嘅放題甜品，包括：龜苓膏、豆腐花、冰粉、燉蛋等飲品．比較特別係感覺呢間都唔少啤酒種
熊本皇牌套餐 $268
．送日式和風雞煲，內有紫薯，係幾得意又創新嘅做法
．雞煲醬汁都幾特別，應該係自家秘製個類醬汁，雞件再滑啲會更好，整體都幾入味
．次序會係先食雞煲，後送上海鮮，最後食火鍋
．可以任食頂級牛肉(牛小排)、牛肩胛、保濕豬豚肉同雞肉
．牛肩口感會比牛小排好，不過香味就牛小排略勝一籌
．估唔到保濕豬豚肉味道同口感都幾好，連我呢個牛魔王都忍唔住狂食豬肉片
．另有任食火鍋配料同飲品
．火鍋配料都有啲特別嘅丸類，例如墨魚丸、釀咗咖喱嘅魚蛋、海苔鹹蛋黃丸等，最後個款都幾推薦大家試吓
．餃子方面都幾鍾意韭菜豬肉餃，好重韭菜香
蒸海鮮．共有5款海鮮，包括：蒸鮑魚、蒸生蠔、蒸帶子、蒸扇貝、蒸蝦
．幾啱海鮮迷
．蒸蝦嘅味道尚算可以
甜品．除咗有Dreyer's雪糕，仲有雪糕泡芙+一啲少見嘅放題甜品，包括：龜苓膏、豆腐花、冰粉、燉蛋等
飲品
．比較特別係感覺呢間都唔少啤酒種類，想同朋友暢飲會幾抵玩
*店員講先知$268皇牌套餐同$298澳洲和牛套餐都做緊幾抵嘅快閃優惠，只要係二人同行，就可享一人半價。無限時嚟計，係個平平地可以約朋友吹水嘅聚腳點。
Post
