燒洒一族

Open Now

Now Closed

呢間位於樂富街市嘅燒洒一族，$32有多款唔同嘅燒味飯，全日供應，非常抵食！除咗抵食之外，食物質素亦都高！叫咗蜜味雞髀飯及黑糖烤豬頸肉飯，飯夠多，飯揀咗豉油，配菜西蘭花🥦、椰菜花、紅蘿蔔🥕等蔬菜。蜜味雞髀飯大大隻，而且啖啖肉。蜜味夠入味，雞肉好滑！黑糖烤豬頸肉飯、豬頸肉肥瘦適中，而且肉質腍身甜甜哋好正！另外仲叫咗自家制燒腩仔$48，呢個性價比超級高，非常新鮮! 燒肉皮卜卜脆，燒肉腩位啖啖肉，好juicy! 另外買咗酒醉海蜇$45及酒醉豬手粒$45今晚宵夜食！海蜇非常之入味，有花雕酒香。海蜇爽口！豬手粒都相當好食！呢度樣樣都唔錯，買返屋企食超級正！煮飯加餸都好啱！