Video
Read full review
2021-05-26
3047 views
說起來，「點心兵團」第一次 gathering 就係「龍逸軒」，已經是一年前的事。相隔一年，原來「九龍酒店」已踏入35周年，當然有優惠推出。經eshop仲要有85折優惠。優惠傳送門 :https://bit.ly/2TdvO9P始終餐廳係正尖沙咀核心地段，毗鄰MTR出口，方便到難以置信，而餐廳中午時段，靠街一邊是落地玻璃，陽光透份令人倍感舒適，難怪就算當天是平日，餐廳都客滿。先講講佢地既重點推介。Signature Dim Sum Menu原隻鮑魚燒賣（一件）（$98）鮑魚柔韌入味，置底的燒賣肉質鬆軟香滑，自己反而覺得燒賣好大件。長腳蟹春卷（三件）（$98）真材實料，炸得啱啱好，外層脆卜卜，內裡蟹肉甜美。X.O醬帶子餃（三件）（$88）用上原隻新鮮帶子，蒸好再放上X.O醬，辣辣地好惹味。雪梨鹹水角（三件）（$52）賣相神似，外層炸得色澤金黃，咬落微脆，內裡餡料熱辣辣，不錯。黑椒和牛包（三件）（$78）包皮搓得軟熟，加上芝麻很有淮揚風，黑椒味不算突出，和牛滿有油香。其實Signature點心仲有松露石榴果（三件）（$62）、老陳皮滑牛腸（$68）、蜜豆鮮蝦餃（三件）（$68）及薑米魚鬆貢
說起來，「點心兵團」第一次 gathering 就係「龍逸軒」，已經是一年前的事。
相隔一年，原來「九龍酒店」已踏入35周年，當然有優惠推出。經eshop仲要有85折優惠。
優惠傳送門 :
https://bit.ly/2TdvO9P
始終餐廳係正尖沙咀核心地段，毗鄰MTR出口，方便到難以置信，而餐廳中午時段，靠街一邊是落地玻璃，陽光透份令人倍感舒適，難怪就算當天是平日，餐廳都客滿。
先講講佢地既重點推介。
Signature Dim Sum Menu
原隻鮑魚燒賣（一件）（$98）
鮑魚柔韌入味，置底的燒賣肉質鬆軟香滑，自己反而覺得燒賣好大件。
長腳蟹春卷（三件）（$98）真材實料，炸得啱啱好，外層脆卜卜，內裡蟹肉甜美。
X.O醬帶子餃（三件）（$88）用上原隻新鮮帶子，蒸好再放上X.O醬，辣辣地好惹味。
雪梨鹹水角（三件）（$52）賣相神似，外層炸得色澤金黃，咬落微脆，內裡餡料熱辣辣，不錯。
黑椒和牛包（三件）（$78）包皮搓得軟熟，加上芝麻很有淮揚風，黑椒味不算突出，和牛滿有油香。
其實Signature點心仲有松露石榴果（三件）（$62）、老陳皮滑牛腸（$68）、蜜豆鮮蝦餃（三件）（$68）及薑米魚鬆貢菜餃（三件）（$58）。
講完「龍逸軒」既重點推介點心之後，又到放肆任食時間
蒸點
晶瑩鮮蝦餃及蟹子蒸燒賣當然不可少。
蝦餃皮擀得通透，看得出蝦肉色，摺紋清晰，咬落柔韌有彈性，蝦肉爽甜，如果再多點筍絲就好了。
燒賣吃得出肉質的鮮香，餡料鬆軟有度。
而蟹肉菜苗餃味道甜美，蟹肉的新鮮應記一功，但菜苗的份量似乎少了一點，畢竟是菜苗餃嘛！如果不是各款都點了，可以有其他選擇，時菜牛肉球、醬皇蒸鳳爪、豉汁蒸排骨、瑤柱珍珠雞、蠔皇叉燒包、香滑奶皇包、鬆子素粉果、竹笙上素卷、蜜汁叉燒腸粉及金粟上素腸粉，睇下閣下食到幾多？
煎炸
想不到放題都有沙律醬蝦多士，炸得恰好，整件多士好脆口，而且毫不油膩，蘸點些少沙律醬就更滋味。
XO醬炒腸粉就要趁熱食，因為辣辣地好惹味，表面又炒得焦香。意猶未盡，仲有脆皮炸春卷、香芹鮮蝦腐皮卷、香煎牛肉包、珍菌上素生煎包、金勾鹹水角及X.O醬蘿蔔糕。
湯羹
是日廚師湯品及雪耳魚蓉羹
如果單食點心都仍是覺得「寡」，仲有每天不同的湯品及雪耳魚蓉羮。
前菜
每次去龍逸軒，又點可以忽略蜜汁叉燒呢？
用上了脢頭位，鬆軟有嚼口，自己忘記交帶一聲要半肥瘦，可惜。
至於鎮江肴肉及黃金豆腐粒就不過不失，尤其是豆腐粒，個人喜歡炸得更脆口。數落仲有貢菜海蜇、京式醬蹄、五香牛腱、椒鹽小排骨、白灼時蔬、涼拌青瓜雲耳、燒汁燴冬菇及脆皮素鵝卷。
飯麵
單尾有海皇泡飯、翡翠嫩雞煨麵、雪菜火鴨絲炆米粉、金粟翡翠炒飯、皮蛋瘦肉粥及乾炒牛河。
甜品
殺到去甜品，先來一個清潤的冰花雪耳燉萬壽果。
再上香甜健康的燕麥香芒卷。
仲有酥化甜美既芒果拿破崙，真係飽到上喉嚨，至於十勝椰汁紅豆糕、紅棗雪耳蓮子茶、藍莓芝士蛋糕、雲呢拿雪糕及朱古力雪糕，個胃真係無空間。畢竟是酒店的35周年，仲有不少優惠點心，實在令人難以選擇。
Post
