Avoca

Open Now

Now Closed

有朋友話之前去左間高層海景酒吧好正，咁咪早兩日約埋班朋友一齊去試吓囉，睇真啲地址原來係喺間新酒店嘅樓上酒吧，由地面上去果陣已經超有驚喜！！！🎉部𨋢係子彈𨋢🥹🥹🥹，外面個風景好靚，上到38樓仲可以望到K11 MUSEA。🥹🥹餐廳主色係黑白紅，酒吧黎講唔算太暗，方便食飯嘅客人傾計，餐廳每位職員都非常熱情有禮同推介好多特色菜俾我地，最鍾意係佢地啲雞尾酒特別融合了港式口味，我哋一共嗌咗四杯Cocktail試味，分別係臘肉，玫瑰荔枝、鹹檸檬和腸粉😆😆，每一杯都好得意，飲落去嗰陣入邊真係有果陣味，唔覺唔覺就飲醉，玩味十足，大家可以試吓👍除左cocktail出色，餐廳職員仲推介左炸雞窩夫和牛肉潛艇三文治，完全冇諗過炸雞可以同窩夫咁夾！炸雞仲係即炸，好夠脆，味道非常之好，值得推介。😋😋😋😋最後試埋佢哋嘅甜品啦，叫曬佢地目前果四款甜品，每樣都有特色，我至推介Baileys cheese cake，咖啡酒味同蛋糕好襯，感覺啱啱好，為呢餐畫上完美句號，有下次！🥰🥰🥰🥰整體而言，可望住維港夜色去享受Cocktail同朋友談天說地，還食埋飯和甜品令大家滿載而歸，大家都話下次可以再約呢度👍。