Donbini

Open Now

Now Closed

今日去荃灣Aeon買嘢，順便喺food court食晚飯，見到呢間食日式丼飯，竟然只係38蚊，原來呢度每日都有一款當日優惠！照燒雞肉丼 $38其實呢款平時要$46，但當日可以慳8蚊！味道都唔差，肉質彈牙，仲加左葱花同白芝麻，配照燒汁，就非常香口惹味！手打漢堡蛋包飯 $63價錢靚，個咖喱蛋包飯仲靚！咖哩清甜濃郁，蛋非常鮮嫩，手打漢堡都大嚿肥美，實在令人非常驚喜！腐皮餃子 $28炸腐皮香脆，入口肉汁爆溢，都係幾特別嘅小食！咖哩薯餅 $19質感同南瓜薯餅一樣，但係咖哩味，正常發揮，鍾意咖哩味小食可一嚐！絹豆腐昆布味噌湯 $12豆腐滑嫩，昆布都多，整體唔會太鹹。白玉紅豆湯 $18紅豆湯偏甜一點。跟餐加$9就可以飲佢哋自家製嘅冷泡茶，分別係草莓荔枝綠茶，果味重一啲；同埋梔子花綠茶，比較清香，似茉莉花茶。