CURATOR Art & Café (Closed)

呢間餐廳有3D打印拉花咖啡/朱古力，可以有餐廳指定圖案或者自己比圖片餐廳整都可以。咁啱去完迪士尼，就揀咗一張高飛圖。色彩好sharp，整杯飲品好靚！晚餐只要加$48就可以配3D打印拉花咖啡/朱古力。另外晚餐加$48可以配湯及指定飲品。飲品叫咗杯檸檬草薑茶，暖笠笠檸檬味幾好飲。▶️餐湯係蘑菇湯，味道香濃，有蘑菇蓉粒粒口感。▶️波士頓龍蝦意粉🦞🍝龍蝦有半隻，幾新鮮，肉質爽口。意粉有香濃嘅蕃茄醬味，幾濕潤，味道唔錯！▶️香煎慢煮三文魚扒三文魚扒煎得剛剛好，入邊肉質夠細嫩。慢煮能夠鎖住魚肉汁，唔會乾。臉上有三文魚籽提鮮味。