Video
Read full review
2005-03-12
9 views
星期四同班波友打完波上去soho食飯，大家都味試過就決定o黎呢間。無論頭盤、主菜同甜品都唔記得個全名，因為d名水蛇春咁長。頭盤係吞拿魚沙律、三文魚配toast，份量好小得四分，剛好每人一份，可以將吞拿魚沙律、三文魚夾埋一小塊toast一齊食。三個主菜分別係：虎蝦雜菌長通粉- 蝦同長通粉夠彈牙、而個醬汁好似千島汁味，個汁煮得唔杰，所以食落唔溜。燒牛柳- 班波友要5成熟，我只試了一小塊，我覺得太熟、有根兼略韌、肉質唔更加冇肉汁。酥皮羊肉(另送有一碗芝士焗薯片) - 係一層酥皮包住d羊肉，酥皮又香又脆、羊肉算唔錯夠鬆軟有肉汁，波友們讚不絕口，我就嫌唔夠羊羶味。詌品我o地竟然叫了6個之多，一來佢o地係食得之人，二來幾個女仔當然係心頭好啦。其中一個有好多細細個班戟仔上加一個大雲呢拿雪榚球，兩者配合一齊食，真係好perfect。大家都回味無窮，決定叫多個，而且仲加多一個仁味道的雪榚球。芒果cheesecake併wild berry sobert –面層佈滿夏威夷仁，而餅底唔係撻底係朱古力蛋糕，不過唔夠香，芒果同cheese味唔夠濃。朱古力mousse、雲呢拿雲榚併盤–朱古力唔得香濃，味道好淡。淨叫
無論頭盤、主菜同甜品都唔記得個全名，因為d名水蛇春咁長。
頭盤係吞拿魚沙律、三文魚配toast，份量好小得四分，剛好每人一份，可以將吞拿魚沙律、三文魚夾埋一小塊toast一齊食。
三個主菜分別係：
虎蝦雜菌長通粉- 蝦同長通粉夠彈牙、而個醬汁好似千島汁味，個汁煮得唔杰，所以食落唔溜。
燒牛柳- 班波友要5成熟，我只試了一小塊，我覺得太熟、有根兼略韌、肉質唔更加冇肉汁。
酥皮羊肉(另送有一碗芝士焗薯片) - 係一層酥皮包住d羊肉，酥皮又香又脆、羊肉算唔錯夠鬆軟有肉汁，波友們讚不絕口，我就嫌唔夠羊羶味。
詌品我o地竟然叫了6個之多，一來佢o地係食得之人，二來幾個女仔當然係心頭好啦。
其中一個有好多細細個班戟仔上加一個大雲呢拿雪榚球，兩者配合一齊食，真係好perfect。大家都回味無窮，決定叫多個，而且仲加多一個仁味道的雪榚球。
芒果cheesecake併wild berry sobert –面層佈滿夏威夷仁，而餅底唔係撻底係朱古力蛋糕，不過唔夠香，芒果同cheese味唔夠濃。
朱古力mousse、雲呢拿雲榚併盤–朱古力唔得香濃，味道好淡。
淨叫一個tiramisu雪榚–我唔知係咪homemake，味道就唔多似Haagen Dazs，酒味略重。
仲一個係芝士併盤，因為我o地冇睇清楚個menu，只叫了佢主打個四款甜品，我o地以為佢俾錯我o地tim，最後waiter澄清真係甜品之一，無辦法唯有死哽（不過我都冇食）。
最後大家都食到飽飽，似增肥多過減肥。仲有波友們叫我，記得寫食評時讚ｏ下呢間野好正（而我覺得水準只屬中上），又叫我一定要寫service我ｏ地個菲藉女待應，應該要跟劉德華學野。
Post
