百伏棧台灣小吃

Open Now

Now Closed

呢度係我返工既飯堂之一，食物選擇唔多，勝在質素穩定，大部分野食都好味。首選一定係牛肉面($55)，雖然唔係傳統台灣牛肉面，無紅蘿蔔、白蘿蔔同蘿蔔湯，但係牛肉同湯就好有特色。牛肉肉質嫰滑，夾雜住牛筋，肉味唔太濃，好彩牛肉牛筋煮到軟熟再淋上酸酸地既醬汁，肉味同醬汁味調和得啱啱好，再加埋香濃既牛肉湯，得閒既話會好想食到反轉碗底。面條由我第一次黎食以黎已經轉過三種，由上海面到雞蛋面，再到而家有d似河粉、有d幼身既闊面，而家呢款面本身既味道唔係最突出，但係比較吸湯汁，同成個面比較夾。豬腳面都唔錯($53)，豬腳已經切到好細舊，食起黎唔會狼狽。豬腳好似係用卤水汁煮既，味道温和，個湯就無牛肉面咁突出，如果你想食清淡d就揀豬腳面好d。飲品一定要試奶茶，茶底清香，有d似食野之前上既清茶，其實飲到底覺得唔夠茶味既話，倒d清茶落去個味道一樣夾，可能真係同一㮔茶沖既。好難得奶味同茶味各自都分明，唔會有是但一樣太突出。要記得叫少甜，店員多數手勢太重。比較唔掂既係蓮偶餅，肉餅本身味道ok，但係蓮偶粒非常少又細粒，好唔夠喉，肉餅本身又細塊。