新錦園大排檔

Open Now

Now Closed

一行八人叫左個 $1188/12位生日套餐。蔥油雞，大量䓤加上隻雞都幾大隻，但肉質好難咬。京都骨，甜甜酸酸好惹味。豉油皇蝦，蝦都幾新鮮但略鹹。羅漢齋，好似兩餸飯d餸咁。蒸魚，時間蒸得啱啱好。西芹鮮魷，魷魚吾少，但冇乜獲氣。脆皮炸豬手，炸得真係好硬，凍左更加不得了。粟米羹，好大窩，應該最少可以分到廿碗，但好杰好糊。小炒皇，冇試。壽桃包，入邊嘅蓮蓉甜度適中，好食。加左兩罐汽水，埋單$1212/8位，都可以啦，但環境真係好嘈，幸好待應姐姐都相當有禮快手。