一葉小廚

Open Now

Now Closed

做緊$200 起有8折，所以一行四人到這裡食晚餐。豬軟骨湯麵，麵條是粗身有咬口，豬軟骨炆得夠時間，幾好食。三杯雞砂鍋，有獲氣同埋雞件都處理到幾乾身，配了大量紅蔥頭、蒜頭、九層塔和蔥段，好食。沙拉蝦球，沙律醬好開胃，蝦球拉油拉到有啲乾，一般。梅菜肉餅，冇試，肉燥飯嘅鹹酸菜甜甜地加埋鹵水旦，幾好餸飯。以上每個餸都有前菜、老火湯和飲品。老火湯系清清地嘅紅蘿白冬瓜肉湯。飲品試左凍蜂蜜紅茶，淡淡蜜糖味，可以解下肥膩。加配宜蘭蔥餅，以為類似蔥油餅，原來系似牛肉餅，外面系蔥油餅皮，裡面系豬肉餡，吾可以話吾好食，但又吾系好出色。埋單$207.20/4位，抵食。