Video
Read full review
2019-03-28
4160 views
餐廳：開餐達人 (觀塘)地址：觀塘開源道47號凱源工業大廈1樓B室星期一至四$138加一，星期五六日$148加一就可以任食4.5小時美國西冷牛扒同打邊爐！？唔係講笑，觀塘工業區有一間叫開餐達人嘅餐廳，主打比屋企人朋友聚餐，一邊玩一邊食，以極抵價錢就可以又食到牛扒，又有邊爐打，仲有得唱k自製唔同食野，除返開每個鐘都只係大概$30，真係抵到爛！任食牛扒每一塊都好大，雖然唔及得上高級西餐廳嘅牛扒，肉質都唔算太靚，但係放入口都唔會好韌或者痴牙，配上燒汁，都值得一試。打邊爐湯底係三色湯底，有蘋果蕃茄濃湯、重慶辣雞王同越式香茅檸檬豬骨湯，估唔到一個價錢仲可以食埋雞煲添！重慶辣雞王湯底夠麻辣，辣嘅程度亦係大部分人接受到嘅，未食就已經聞到陣陣麻辣味😻蘋果蕃茄濃湯唔會太酸甜，唔會搶咗食物本身嘅味道，對比起出面只係蕃茄湯底嘅話多左一份蘋果香同甜，檸檬豬骨湯更係本人至愛！用呢個湯底打邊爐可以食到越式嘅味道，真係一次過滿足你三個願望！除咗一般都會有既豬牛雞同丸之外，比較特別嘅有芝士豆腐、麻吉燒（年糕魚餅）、蜂巢豆腐、泰式金邊粉等。邊爐材料新鮮，食物都來得好快，絕對唔會偷工減料，食物上台時唔會雪到硬哂或者出水，
地址：觀塘開源道47號凱源工業大廈1樓B室
星期一至四$138加一，星期五六日$148加一就可以任食4.5小時美國西冷牛扒同打邊爐！？
唔係講笑，觀塘工業區有一間叫開餐達人嘅餐廳，主打比屋企人朋友聚餐，一邊玩一邊食，以極抵價錢就可以又食到牛扒，又有邊爐打，仲有得唱k自製唔同食野，除返開每個鐘都只係大概$30，真係抵到爛！
任食牛扒每一塊都好大，雖然唔及得上高級西餐廳嘅牛扒，肉質都唔算太靚，但係放入口都唔會好韌或者痴牙，配上燒汁，都值得一試。
打邊爐湯底係三色湯底，有蘋果蕃茄濃湯、重慶辣雞王同越式香茅檸檬豬骨湯，估唔到一個價錢仲可以食埋雞煲添！
重慶辣雞王湯底夠麻辣，辣嘅程度亦係大部分人接受到嘅，未食就已經聞到陣陣麻辣味😻
蘋果蕃茄濃湯唔會太酸甜，唔會搶咗食物本身嘅味道，對比起出面只係蕃茄湯底嘅話多左一份蘋果香同甜，檸檬豬骨湯更係本人至愛！用呢個湯底打邊爐可以食到越式嘅味道，真係一次過滿足你三個願望！
除咗一般都會有既豬牛雞同丸之外，比較特別嘅有芝士豆腐、麻吉燒（年糕魚餅）、蜂巢豆腐、泰式金邊粉等。
邊爐材料新鮮，食物都來得好快，絕對唔會偷工減料，食物上台時唔會雪到硬哂或者出水，相信食材存放係一個適合溫度嘅地方，以致煮完都能夠保存到食物原味👍🏾。
除咗食牛扒同打邊爐，仲可以自製雞蛋仔、炒雪糕、棉花糖等，唔單止食仲有得落手做埋一份😎雞蛋仔尤其地一讚，因為整脆嘅或者鬆軟夠厚嘅雞蛋仔都可以自己去控制，對於新手初次去整都唔會太困難，雖然整完出黎賣相麻麻，但係蛋香十足，同出面嘅雞蛋仔有得fight😆
飲品同雪糕糯米糍都係免費任飲任食，飲品仲有比較少見嘅豆奶、忌廉鮮奶、冬瓜茶等。
話明4個半鐘，點會只係得食咁dry呢？呢度有K唱、有broad game玩，一個價錢包埋唱K真係抵到爆啊，小編都唱左幾首張敬軒同陳柏宇嘅歌☺️
雖然係星期日去，但係可能因為係工業區嘅關係都唔係太多人，無爆場，但我相信我之後都一定會同唔同朋友再去，因為真係好正😍
Post
