鉄人旨花 (Closed)

有咩開心得過，放低手頭上繁重既工作，放工即刻同好姊妹去食餐好，鬆一鬆？心血來潮想食下日本菜，今次揀嘅係位於香港大學站附近既鉄人旨花。總共點左３樣菜式，分別係海鮮山丼、精選壽司7盛配豬骨濃湯烏冬、蒜味手羽大雞翼，另外，會有一客抹茶蕨餅附送作為跟餐甜品。壽司同刺身都好新鮮，同埋好鮮甜。而雞翼就外脆內嫩，肉汁豐富又肥美。最後，點可以唔提埋抹茶蕨餅呢？抹茶嘅味道幾濃，質感煙韌，作為飯後解膩係一個幾好既選擇。埋單兩位盛惠4百幾，愛好日本菜嘅朋友不妨試下