金利來食坊 (Closed)

19-5-2007 1921同朋友交換情報，就一就係佢屋企附近食野，佢冇所謂，呢度我好耐冇黎，就「舊地重遊」。這裡樓上是第2代公屋格局，雖則係舖位，但絕對幾有大牌檔風味。我就點了三道菜。半隻飄香雞，飄香意思係白切雞上舖上大量蒜蓉、紅椒粒、粒及豉油，還有海浙，香味就真係幾飄香，雞係普通冰鮮，肥瘦適中，味道還可，不過不失；豉椒炒聖子食落第1舊有沙，之後就冇，味道略鹹；炒生菜炒既鑊上一手炒過好油的食物，攪到一望到都好夠油水，不太好。服務就麻麻，一味吹人埋單趕客。黎懷舊還可，其他食店應有更好的選擇吧！