Video
Read full review
2020-06-21
1475 views
最火紅和牛燒肉店• YakinikuMafia • 必吃和牛咖喱飯一位難求，好辛苦先訂到weekend同為食朋友們來一個90分鐘lunch！每月15號，餐廳便會開放下個月booking，如果大家想訂週末或較佳用饍時間，請務必set定alarm，15號準時登入網站訂位。餐廳要求網上full payment，每位客人都要點價值$480的和牛燒肉套餐。午餐同晚餐都一樣食呢個套餐，咁$480又食咩呢？每人都有一個和牛拼盤，有三款唔同部位，有肥有瘦，大概每人12-14件，好讓大家一次過足和牛癮。同主餐廳WagyuMafia一樣，服務員喺serve牛肉前都會叫日文口號同chok爆，氣氛好好。套餐除咗有和牛外，仲包牛肉湯、白飯、蘿蔔蓉、青瓜片以及日本生卵醬油，個人認為收費合理。至於味道，餐廳的和牛都沒有下任何調味，食客可自行加鹽、秘製辣汁或生卵醬油調味。較瘦的和牛部位略燒15秒便可進食，半生熟就最美味。半肥瘦及wagyu toro部位就要燒耐啲，逼出油份，燒到表面焦香，肉質keep住軟熟。如果食完都唔夠喉的話，可以再加錢叫更premium部位。不過最推介大家加點的，是這裡的和牛咖喱飯，乾身的和牛肉碎
一位難求，好辛苦先訂到weekend同為食朋友們來一個90分鐘lunch！每月15號，餐廳便會開放下個月booking，如果大家想訂週末或較佳用饍時間，請務必set定alarm，15號準時登入網站訂位。餐廳要求網上full payment，每位客人都要點價值$480的和牛燒肉套餐。
午餐同晚餐都一樣食呢個套餐，咁$480又食咩呢？每人都有一個和牛拼盤，有三款唔同部位，有肥有瘦，大概每人12-14件，好讓大家一次過足和牛癮。同主餐廳WagyuMafia一樣，服務員喺serve牛肉前都會叫日文口號同chok爆，氣氛好好。
套餐除咗有和牛外，仲包牛肉湯、白飯、蘿蔔蓉、青瓜片以及日本生卵醬油，個人認為收費合理。至於味道，餐廳的和牛都沒有下任何調味，食客可自行加鹽、秘製辣汁或生卵醬油調味。較瘦的和牛部位略燒15秒便可進食，半生熟就最美味。半肥瘦及wagyu toro部位就要燒耐啲，逼出油份，燒到表面焦香，肉質keep住軟熟。如果食完都唔夠喉的話，可以再加錢叫更premium部位。
不過最推介大家加點的，是這裡的和牛咖喱飯，乾身的和牛肉碎咖喱上放了日本生卵，與日本米撈勻來吃，是簡單直接好吃的味道，呢碟矜貴嘅碟頭飯份量唔算大，兩個人分一碟就啱啱好。北海道牛乳軟雪糕亦值得加錢吃，絕對是認真製作，吃之前才新鮮即製，保證creamy衛生。雪糕筒用上日本和菓子脆筒，比一般西式曲奇脆筒來的輕盈，是吃完燒肉的最佳消暑甜品。
特別要讚YaKinikuMafia的室內設計，以機場大堂為主題，卡座寬躺舒服，枱面夠大，抽氣極強，喺坐滿客人的情況下，有本事連半點油煙味都沒有，實在抵讚。
Post
