Video
Read full review
2006-08-10
22 views
出發之前,有大埔朋友同我講過去到一定要去試洪記的魚蛋,記得要早去,未到兩點就關門.)聽落好巴閉,真係要去試一試.在林記吃罷個早晨全餐,也大約十二點,洪記對開的地頭,全部滿座,搭檯也不能.諗住坐發記果邊,一邊吃魚蛋,一邊吃腸粉.負責人講明我地唔會送到去果度.)敵壘分明.同九龍城街市幾個檔口的互助互愛精神,似乎在這處找不到.等一會兒,終有個位比我插到.坐低只能叫魚蛋河,或麵,一律$15其他選擇都無,想要淨魚蛋,無.淨魚片,都無.大牌得可以.落單時仲會作出個溫馨提示要等十五至二十分鐘.)一面"等唔等隨得你,唔等得就過主,咪阻住阿姐做生意.)之樣子,小弟得閒,等你.果真十五分鐘後,魚蛋粉乖乖奉上,是我有生以來,等待最耐的魚蛋粉.魚蛋粉內有四粒同防潮丸size相若的魚蛋,批左邊的魚片,尚有炸魚皮.潮式魚蛋搓得那麼細,真是第一次見.魚蛋質感的確粗,似係未完全搓暈,尚有少少碎骨.論魚味,係我吃過多年魚蛋經驗之中,最濃烈的一次.批左邊的魚片,失色不少.炸魚皮,無論味道,口感,極似炸雲吞.湯底比較淡,可能店方覺得你一定會落辣油.所以對個湯底採取放棄態度.吃罷拿拿臨放低$15,走人,過對面發記再食過.順帶
在林記吃罷個早晨全餐,也大約十二點,洪記對開的地頭,全部滿座,搭檯也不能.諗住坐發記果邊,一邊吃魚蛋,一邊吃腸粉.負責人講明我地唔會送到去果度.)敵壘分明.同九龍城街市幾個檔口的互助互愛精神,似乎在這處找不到.
等一會兒,終有個位比我插到.坐低只能叫魚蛋河,或麵,一律$15其他選擇都無,想要淨魚蛋,無.淨魚片,都無.大牌得可以.落單時仲會作出個溫馨提示要等十五至二十分鐘.)一面"等唔等隨得你,唔等得就過主,咪阻住阿姐做生意.)之樣子,小弟得閒,等你.
果真十五分鐘後,魚蛋粉乖乖奉上,是我有生以來,等待最耐的魚蛋粉.魚蛋粉內有四粒同防潮丸size相若的魚蛋,批左邊的魚片,尚有炸魚皮.潮式魚蛋搓得那麼細,真是第一次見.
魚蛋質感的確粗,似係未完全搓暈,尚有少少碎骨.論魚味,係我吃過多年魚蛋經驗之中,最濃烈的一次.批左邊的魚片,失色不少.炸魚皮,無論味道,口感,極似炸雲吞.湯底比較淡,可能店方覺得你一定會落辣油.所以對個湯底採取放棄態度.
吃罷拿拿臨放低$15,走人,過對面發記再食過.
順帶一睇,當我拿起相機影相之時,有個店內負責人走過來,笑騎騎唔該唔好影相.)貫切至終大牌到底.不過已來不及阻止小弟,攝下此魚蛋粉之一刻.
Post
