金鳳大餐廳 (D2 Place TWO)

Open Now

Now Closed

金鳳呢間老字號一直都想試好耐，但本店唔太就腳，所以一直都未有機會食。今日嚟開荔枝角，見到呢度有分店，一於要試下。見佢有兩個50周年特別餐，一個係貴族牛扒，一個係安格斯肉眼扒。安格斯肉眼扒係薄切上嘅，會比較肥小小，但會腍啲。加左蒜蓉，所以好香口。而個貴族牛扒其實係牛肩肉，牛味比較濃啲，因為嗌五成熟嘅關係，所以肉質都好腍。而且佢係厚切，視覺效果好滿足之餘，佢仲將個面煎好脆卜卜，一切落去係索索聲。配左佢個黑椒汁，佢個黑椒汁比較偏甜，唔辣，絕對老少咸宜。而餐湯我地嗌左一紅一白，忌廉湯好creamy好滑。而個紅湯就豐富啲，有好多雜湯，甜甜地之餘帶小小辣，好開胃。食飽飽飲埋杯餐飲，好滿足。下次要拉機會去本店潮聖。