尚盛潮州海鮮飯店

中環新開幾個月潮州菜館，原來就係之前老字號名人飯堂～尚興潮州飯店😍 新店地方很大，仲有多間獨立房，中午時間座無虛席！ 我哋當然要點幾款招牌菜試吓！先來潮州鹵水鵝，鵝皮好有光澤，賣相吸引，鹵水汁不太鹹，鵝肉甘香不太肥，加埋酸醋一齊食仲好味。 這裡無份鵝件或鵝片，只有滷水鵝，而且已經去骨，好方便食！再來菊花石榴雞，造型可愛，有如一個小錢袋入面裝滿滿雞肉，口感清新，第一次食一試難忘😋跟住有潮州蠔烙，蠔仔新鮮飽滿，充滿蛋香，但不油膩！還有必食沙爹牛肉炒河，沙嗲汁香濃，牛肉鮮嫩，河粉滑流，食落仲好有鑊氣最後有驚喜甜品～清心丸豆爽，製作認真，即叫即做，所以要等一段時間都好值得