Video
Read full review
2024-06-18
111 views
「廣麪子」原來係筲箕灣東大街遠近馳名「安利大排檔」嘅年輕副線，店內裝修新穎，深藍色同白色嘅瓷磚配搭令到成間舖頭好有活力，好時尚。店內同安利大排檔主打嘅菜式一樣，招牌炸魚皮、切腩、魚蛋魚片、鮮油奶多士等等，粉麵款式多元化。午飯時段餐廳好旺場，店內座無虛席，出邊仲有好多人排隊，果然係老字號！試咗個招牌切腩魚片河，切腩肥瘦啱啱好，唔會太韌，魚片每日新鮮炸，有魚肉嘅鮮味，冇多餘嘅油炸味，好彈牙。河粉煮到好腍，吸收埋湯嘅精華，非常推介。如果鍾意食辣嘅朋友，一定要加餐廳秘製嘅辣椒醬，用咗十幾款材料炮製，第二度試唔到呢種香辣味，辣得嚟又唔會太搶口，蓋過咗魚片嘅鮮味。另外試咗炸魚皮，魚皮都係每日用黃鱔皮新鮮炸，脆卜卜，仲可以浸落湯再食。餐廳好貼心，⼀早用咗細紙袋pack好一袋袋魚皮，方便客人外賣拎走。廣麪子 (灣仔)📍灣仔大王東街2-4號安興大廈地舖
試咗個招牌切腩魚片河，切腩肥瘦啱啱好，唔會太韌，魚片每日新鮮炸，有魚肉嘅鮮味，冇多餘嘅油炸味，好彈牙。河粉煮到好腍，吸收埋湯嘅精華，非常推介。
如果鍾意食辣嘅朋友，一定要加餐廳秘製嘅辣椒醬，用咗十幾款材料炮製，第二度試唔到呢種香辣味，辣得嚟又唔會太搶口，蓋過咗魚片嘅鮮味。
另外試咗炸魚皮，魚皮都係每日用黃鱔皮新鮮炸，脆卜卜，仲可以浸落湯再食。餐廳好貼心，⼀早用咗細紙袋pack好一袋袋魚皮，方便客人外賣拎走。
廣麪子 (灣仔)
📍灣仔大王東街2-4號安興大廈地舖
Post
