5019 Premium Factory (崇光百貨) (Closed)

今日約咗朋友去銅鑼灣做運動，見時間尚早又未食野，所以就去咗附近嘅SOGO地牢睇吓有冇啲咩嘢小食。眼前出現咗呢間紅色做廚櫃嘅餐廳，好eye-catching 好shape! 原來就係日本過江龍日式漢堡專門店。眼見林林總總唔同嘅三文治同漢堡，全部都非常吸引！未試過嘅我梗係會揀best seller啦～吉列和牛包住滿滿嘅芝士😋一陣做運動都抵銷唔到😆😆🙌🏻凍櫃有其他現成嘅減價三文治🥪雖然佢係即叫即整，但係只係需要等10分鐘就有得拎啦～🥪吉列免治和牛芝士三文治你都見啦～佢啲芝士多到好似熔岩咁～但食嘅時候唔會好污糟，因為啲芝士已經唔係好熱，但仍然做到拉絲嘅效果😝😝和牛比較鹹加上芝士係更加鹹，如果有個減鹽份量嘅話就會更好。最後同朋友一人一件K.O.咗佢，如果呢個份量當lunch都可能會太飽食唔晒。兩位店員都係日本人唔識講中文，本身以為日本人應該都會注重衛生。但見到佢數找錢俾下一位客人，沒有更換手套或者消毒雙手，就已經直接用啱啱找完錢帶住手套嘅手，將架上嘅吉列免治和牛放入油炸😰😰特別而家呢個非常時期，真係覺得佢哋要更加注意衛生。