Yoghi (Closed)

星期六來銅鑼灣食個 early lunch，希望可以避開假日人潮，揀咗呢間係位於登龍街嘅上樓鋪食韓國菜。迎接我哋嘅果然係個真oppa，笑起上嚟個樣仲有幾分似孔劉。Yoghi係蘇豪區餐廳moyo老闆嘅新搞作。呢度環境闊落又清靜，啱哂我地可以慢慢歎返餐。炸雞雞肉嫩滑，炸漿厚，配上香蔥和芝麻，好惹味。Oppa話蛋卷係呢度受歡迎嘅菜式，佢推薦我地試下，果然有特色，厚厚嘅兩層蛋卷中間夾著午餐肉，面頭再淋上茄汁和熱溶芝士，塊午餐肉好食，好似件熱騰騰嘅蛋治咁好飽肚。新派披薩餅底用了公仔麵代替麵粉底，披薩上撒滿了韓式牛肉碎、粟米、青椒、茄醬、蘑菇同芝士，口味非常創新，用上公仔麵底係一個勇敢嘅嘗試。最後oppa為我們送上一道沙律菜去油膩，顏色的配搭鮮豔奪目，紅椒、紅菜頭映襯出層次，鮮橙甜味呷上意大利醋，足以衝擊味蕾。