Video
Read full review
2010-04-27
朋友生日話想食日式放題, 朋友介紹話呢到好~~~ 見到食評唔係咁掂都有d驚, 不過心諗介紹我黎呢到既朋友係旺角住又鐘意食放題, 全旺角既放題都食過, 唔好都唔話係飯堂啦, 所以膽博膽咁就同成班朋友黎呢到慶祝生日. 之前一日打電話黎訂枱, 本來我係諗住訂7點半, 不過佢哋話7點前後有座價錢有分別, 如果我咁多人既話早d入座可以慳好多. 咁我心諗食2個鐘, 就算有人遲黎都係食少半個鐘都無咩所謂啦. 所以我就留左7點前既位. 當晚6點11就報到. 勁肚餓, 坐底就即刻點野食. 唔知佢比我哋點人數以外幾多倍既野, 所以我哋一落order咩刺身都寫30件睇下佢黎幾多. 第一次因為我哋點得好多唔同款既刺身, 所以就算佢每樣都只係比少少我哋都有一大盤, 而且仲擺得好靚tim. 不過數量真係差好遠喇, 甜蝦第一轉黎左十條左右.....除左刺身之外, 其他order佢都有上齊, 無漏單既情況出現. 但係佢d野既質素就真係....... 我第一次食花之戀係得一塊魚生, 仲要包唔住舊飯. 感覺似係三文魚壽司既向橫版! 仲有海膽, 個顏色好奇怪... 係黃色嫁! 我條腸不嬲都懶, 成日無厠所去, 嗰晚食完之後
之前一日打電話黎訂枱, 本來我係諗住訂7點半, 不過佢哋話7點前後有座價錢有分別, 如果我咁多人既話早d入座可以慳好多. 咁我心諗食2個鐘, 就算有人遲黎都係食少半個鐘都無咩所謂啦. 所以我就留左7點前既位. 當晚6點11就報到. 勁肚餓, 坐底就即刻點野食.
唔知佢比我哋點人數以外幾多倍既野, 所以我哋一落order咩刺身都寫30件睇下佢黎幾多. 第一次因為我哋點得好多唔同款既刺身, 所以就算佢每樣都只係比少少我哋都有一大盤, 而且仲擺得好靚tim. 不過數量真係差好遠喇, 甜蝦第一轉黎左十條左右.....除左刺身之外, 其他order佢都有上齊, 無漏單既情況出現. 但係佢d野既質素就真係....... 我第一次食花之戀係得一塊魚生, 仲要包唔住舊飯. 感覺似係三文魚壽司既向橫版! 仲有海膽, 個顏色好奇怪... 係黃色嫁! 我條腸不嬲都懶, 成日無厠所去, 嗰晚食完之後... 第二朝去左4,5次..... 唔知關唔關事, 不過我平時真係無d咁既情況....
可能因為我哋係坐二樓房仔, 待應唔係成日行入黎, 所以我哋次次叫野食都要叫好耐, 佢上菜又上得慢. 我哋食完第一轉點第二轉, 第二轉食到一半佢已經走過黎話last order. 即刻再點多轉刺身~~~ 埋單時我確實真係唔想比tips~~~不過睇在佢接電話時有提我早D到同埋聽到我哋有人生日主動話我哋知一人半價. Tips照比, 不過... 唔會再黎第二次喇!
Post
