Video
Read full review
2022-02-24
278 views
安平燒肉（荃灣店）繼一月首推平日無限時吃到飽優惠（由12:00到18:00），今個月又再推出。餐廳提供四款套餐：・原住民鹽燒豬肉（$208/39款）・安格斯嫩牛（$258/58款）・SRF極黑牛（$308/75款）・澳洲M5和牛（$358/81款）既然要食，就食最貴嗰款啦，況且可以坐足六個鐘慢慢食。一坐低服務員會送上一個炸物拼盤，有鹽酥雞、炸蕃薯、金沙翠玉苦瓜（好苦）呢啲唔係今日嘅目標，一人一粒快快脆KO佢。另外送咗一碟牛舌芯（好食，爽口彈牙），如果想再食就要額外付費。主要食物就 scan QR code 落單。十分抵讚，無漏單，又上得快。飲品（汽水、罐裝飲品、紙包飲品、樽裝茶類）就自己出去飲品雪櫃拎。另外仲有啲蔬菜（菠蘿、茄子、雞髀菇、翠玉瓜、秋葵、粟米、南瓜）都係自己出去拎。以下係其中試咗，又可以拎出嚟講吓嘅食物：・澳洲m5和牛，食唔出同美國牛有什麼分別・美國SRF極黑牛，食唔出同澳洲和牛有什麼分別・安格斯牛小排，肉味比較濃少少（encore之選）・SRF極黑一口牛，叫做試下啦，味道普通・三國牛肩肉，叫做試下啦，肉身比較嚡啲・厚切上選牛腹肉，叫做試下啦，都唔厚切・牛仔骨，大大件，又
餐廳提供四款套餐：
・原住民鹽燒豬肉（$208/39款）
・安格斯嫩牛（$258/58款）
・SRF極黑牛（$308/75款）
・澳洲M5和牛（$358/81款）
既然要食，就食最貴嗰款啦，況且可以坐足六個鐘慢慢食。
一坐低服務員會送上一個炸物拼盤，有鹽酥雞、炸蕃薯、金沙翠玉苦瓜（好苦）
呢啲唔係今日嘅目標，一人一粒快快脆KO佢。
另外送咗一碟牛舌芯（好食，爽口彈牙），如果想再食就要額外付費。
主要食物就 scan QR code 落單。十分抵讚，無漏單，又上得快。
飲品（汽水、罐裝飲品、紙包飲品、樽裝茶類）就自己出去飲品雪櫃拎。
另外仲有啲蔬菜（菠蘿、茄子、雞髀菇、翠玉瓜、秋葵、粟米、南瓜）都係自己出去拎。
以下係其中試咗，又可以拎出嚟講吓嘅食物：
・澳洲m5和牛，食唔出同美國牛有什麼分別
・美國SRF極黑牛，食唔出同澳洲和牛有什麼分別
・安格斯牛小排，肉味比較濃少少（encore之選）
・SRF極黑一口牛，叫做試下啦，味道普通
・三國牛肩肉，叫做試下啦，肉身比較嚡啲
・厚切上選牛腹肉，叫做試下啦，都唔厚切
・牛仔骨，大大件，又厚切，醃咗未，味道唔錯（encore之選）
・牛肋條，厚身，有咬口，醃咗未，味道唔錯（半encore之選）
・金錢肚，厚身，彈牙爽口
・山椒牛柳丁，叫做試下啦，山椒味都幾重手
・黑椒洋蔥牛舌，唔韌又無筋，因為黑椒洋蔥分開上，可以自己調教味道（encore之選）
・鹽燒牛舌，叫咗2次都好鹹
・原住民鹽燒豬，鹹味適中，肉質彈牙有咬口，如果再厚啲更好
・起司鵪鶉蛋，用錫紙兜裝住兩隻生鵪鶉蛋，同一堆芝士，烤完之後似食緊焗蛋，味道普通
・台灣小枕頭（麻糬），未烤前扁撻撻，烤完脹卜卜（真係成個小枕頭咁樣），烤嘅過程睇住佢慢慢脹，十分自癒，但完全冇味嘅，要點跟嚟嘅煉奶一齊食
・虎蝦，勁大隻，厚身，彈牙，有啲仲有虎膏添（encore之選）
・帆立貝，附有一片小牛油，帶子肉都大粒，但冇乜味，臨食前要自己添加少少豉油吊吊味（半encore之選）
・中卷，即係魷魚，有時俾翼，有時俾筒，有時俾鬚，整體嚟講都好味嘅（半encore之選）
・青口，已經加咗少少醬汁，味道普通
・多春魚，慢慢烤，烤到成條乾身，成條連頭連骨食（平時限時的確，一定唔會叫）
・燒魚腹，用過錫紙兜裝住，醃嘅味道其實可以，但係舊魚就比較淋身，口感差啲
・台灣鯛魚下巴，好想試但，但無貨，點唔到
・鹵水涼伴鴨舌，味道不錯，好啱一路吹水一路食（encore之選）
・烤豬肉乾，輕輕烤下兩邊，甜甜哋，淋淋哋，但又有口感，最啱一路吹水慢慢嗒
（encore之選）
・烤雞泡魚乾，呢款如果唔烤一烤，係跟本韌到食唔到，烤完之後就變軟身，但都係豬肉乾好味啲
・阿里山檸檬紅茶，除咗飲品雪櫃啲嘢，呢款檸檬紅茶都幾好飲
最後有甜品一客，4款Häagen-Dazs雪糕+檸檬愛玉任選一款。
炸物拼盤
1 views
0 likes
0 comments
牛舌芯
16 views
0 likes
0 comments
烤雞泡魚乾
7 views
0 likes
0 comments
鹵水涼伴鴨舌
4 views
0 likes
0 comments
Other Info. :
服務員隔一排會主動問要唔要換燒烤網
(The above review is the personal opinion of a user which does not represent OpenRice's point of view.)
Post
