粗店燒烤

Open Now

Now Closed

7點前離座65折，好抵食呀😍簡約木系裝演，乾淨舒服，每張枱都會有個小火爐，可以保持串燒的溫度，慢慢食都冇問題～入座後，店員先送上辣椒粉及花生粉，Qr code落單，方便快捷～ 上菜速度都幾快，5:30入座，可以趕得切7點埋單😂重點推介下幾款我覺得好好味嘅～✮麻辣鐵鍋卜卜蜆 上枱後，煮一陣等啲蜆肉開曬就可以食啦，蜆肉好飽滿，好鮮甜，配上麻辣湯，真係好正😋仲有金菇、粉絲及豆卜，吸曬啲汁，超好味，必食！✮烤大漠羊肉串(5串) 羊肉半肥瘦，加咗孜然粉調味，味道唔錯，肉質都ok, 好食！✮烤美國牛肩肉（5串）用咗孜然粉及辣椒粉調味，食落有牛味，口感軟嫩，唔粉，幾好食✮烤生蠔 好大隻生蠔，配上大量蒜茸、辣椒同蔥花一齊燒，食落新鮮有蠔味！✮烤大扇貝 真係好大隻，配上蒜茸、辣椒及粉絲一齊烤，食得出係新鮮嘅扇貝，好鮮甜😋✮雞軟骨燒得好香口，少少辣，正✮炸饅頭 $18饅頭炸到金黃色，外脆內裏鬆軟，淋上煉奶及黑芝麻，好好食整體來講，食物質素幾好，串燒調味唔會太重手，食完唔會覺得口渴～