Video
Read full review
2017-07-27
416 views
一行六人叫左個六人餐 $1288今個月每位送石蠔1隻，好大隻但有點腥，湯系冬瓜唐排，好清冇乜味，似一般例湯盅上。乳鴿味道不濃，炸得未夠身，普通。鮑魚彈牙爽口，有點蟲草花在一起同吃，幾好。粉絲元貝，粉絲濕潤，吸曬元貝d鮮味，好食。黑椒和牛粒，啱啱熟，一咬即開，肉質淋身又有點油分，好快食曬。貝殼盆，有青口、東風螺、蜆等，新鮮清甜，唯獨東風螺比較細隻。龍躉件，得二、三件是魚肉件，其他比較多腩骨，處理得不徹底，有點魚鱗，蒸好後也比較腥，麻麻地。蒸雞，細細件，蒸得時間啱啱好，肉嫩得黎仍有肉汁，不錯。蔬菜盆，粟米好甜，勝瓜淋淋，南瓜清甜，芋頭好粉。馬拉羔，鬆軟得黎有點蔗糖香，食了2件，好好食。最後，南瓜排骨粥，好鮮好甜，似一個海鮮濃湯，因為太飽，所以打包一合回家。埋單$1520，抵食。
一行六人叫左個六人餐 $1288今個月每位送石蠔1隻，好大隻但有點腥，
湯系冬瓜唐排，好清冇乜味，似一般例湯盅上。
乳鴿味道不濃，炸得未夠身，普通。
鮑魚彈牙爽口，有點蟲草花在一起同吃，幾好。
粉絲元貝，粉絲濕潤，吸曬元貝d鮮味，好食。
黑椒和牛粒，啱啱熟，一咬即開，肉質淋身又有點油分，好快食曬。
貝殼盆，有青口、東風螺、蜆等，新鮮清甜，唯獨東風螺比較細隻。
龍躉件，得二、三件是魚肉件，其他比較多腩骨，處理得不徹底，有點魚鱗，蒸好後也比較腥，麻麻地。
蒸雞，細細件，蒸得時間啱啱好，肉嫩得黎仍有肉汁，不錯。
蔬菜盆，粟米好甜，勝瓜淋淋，南瓜清甜，芋頭好粉。
馬拉羔，鬆軟得黎有點蔗糖香，食了2件，好好食。
最後，南瓜排骨粥，好鮮好甜，似一個海鮮濃湯，因為太飽，所以打包一合回家。
埋單$1520，抵食。
Post
