漁品酸菜魚火鍋放題 (Closed)

原來酸菜魚放題都可以好正今日聽朋友推介 去咗食一間酸菜魚火鍋放題本身都無諗過會有呢d餐廳。平時都係食放日式多。首先，店家會提供一轉刺身同餐前小食比你。小食款式多樣，有麻辣鳳爪，蝦多士，話梅涼瓜等。欣賞佢一件起二件止，即不會飽肚，又可以先刺激一下味蕾，等你準備一輪輪更精彩即美食。刺身絕對貨真價實，原粒大帶子，新鮮即開生蠔，海膽同牡丹蝦等。一個鮮字！為你打開食慾。令你更加期待下一輸。但刺身甘出色，無得追加真係遺憾。但食完頭2輪，就到主角酸菜魚！可以無限追加魚片，想要辣既更可以揀水煮魚。魚片嫩滑少刺。切得薄身，正好入味之餘又好似滑入口腔甘，特別過癮。湯底既酸甜令你食極都5夠甘。湯底可以好似當湯甘飲添。仲有涼皮係底，煙韌既口感令人慾罷不能。食完酸菜魚，仲有一個火鍋！我哋揀人參雞鐘湯底，夠滋補。你哋睇隻海盜船，有飽魚有帶子，上面既令海鮮你都覺值回票價。店家係食材方面真係誠意十足！係一般放題無得比。睇牛肉既脂肪分布比例，比好多地方更好，你食到一定好滿足！豬牛你仲可以無限追加添！二百幾既價錢，食到物超所值呀！