京滬佳餚 (觀塘銀八) (Closed)

放工同同事去咗觀塘銀八食北京烤鴨。京滬佳餚坐低睇吓menu叫咗半例涼滬香酥烤鴨。熱辣辣既烤鴨送到仲配咗6款配料。食烤鴨梗係要襯熱食啦！拿拿臨清潔咗雙手就包番件烤鴨食先。烤鴨皮脆卜卜 鴨肉鮮嫩滑身再配埋啲配料新鮮好味。原來而家餐廳做緊優惠星期一至五晚飯金湯藤椒酸菜魚只係$7-咁抵食無理由唔叫呀！呢個酸菜魚絕對交足料。魚片又多又大塊。食落仲好滑溜。真係好抵食。香麻龍蝦荳腐花同事見到隔離枱食呢個龍蝦出哂煙又想叫嚟食吓。果然無叫錯食落口感好得意辣中帶甜軟硬兼施，係豆腐花上面加咗麻辣醬再將龍蝦起肉放上面。絕對係特色心機菜。最後叫多個招牌小籠包食落餡料適中多汁好味。小心盪口。