Video
Read full review
2009-06-17
11 views
甜魔S生日，終於有機會（其實是藉口）去朝拜近半年風頭好犀利的Vero。由地鐵站一路行，沿路只見到一個又一個的地盤，去到分域碼頭後又爭D以為未到繼續行...真的好難搵呢，連牌都唔整個出來，真係唔係人介紹都一定唔會知道。去到第一時間唔係睇餐牌，而係影相! 入左個玻璃房左影右影，有印左唔同品牌既朱古力，有朱古力整的大型可可豆，亦都有好出名的朱古力兵馬俑，仲有一個大咀鳥擺設添。整間房都有好香的朱古力味，好「心曠神怡」呀。整個餐廳都好寬闊，感覺好舒服優閒（當日係星期五下午，所以冇咩人），連個朱古力工場都闊過人而且好乾淨。一班大鄉里影完相後就返埋位研究一下枱上面既野。有一疊唔同的朱古力食譜，又有介紹佢地collection既卡，好有心思。搞左好耐先真正睇個餐牌，發現竟然有iced既hot chocolate，問一問究竟係咩一回事，佢就話其實即係凍朱古力上面有cream個隻...所以最後大家都係要了熱的Xocolati 70% drink。四個人仲叫左個brownie同winter collection。始終影食物都係close up影好D，所以睇食友們既相以為杯Xocolati 70% drink
去到第一時間唔係睇餐牌，而係影相! 入左個玻璃房左影右影，有印左唔同品牌既朱古力，有朱古力整的大型可可豆，亦都有好出名的朱古力兵馬俑，仲有一個大咀鳥擺設添。整間房都有好香的朱古力味，好「心曠神怡」呀。整個餐廳都好寬闊，感覺好舒服優閒（當日係星期五下午，所以冇咩人），連個朱古力工場都闊過人而且好乾淨。一班大鄉里影完相後就返埋位研究一下枱上面既野。有一疊唔同的朱古力食譜，又有介紹佢地collection既卡，好有心思。搞左好耐先真正睇個餐牌，發現竟然有iced既hot chocolate，問一問究竟係咩一回事，佢就話其實即係凍朱古力上面有cream個隻...所以最後大家都係要了熱的Xocolati 70% drink。四個人仲叫左個brownie同winter collection。
始終影食物都係close up影好D，所以睇食友們既相以為杯Xocolati 70% drink都幾大杯，但原來係勁細的。而且食友們都話Xocolati面頭塊朱古力等一陣先溶，但我地個D上枱後唔夠十秒就溶晒，想影相都唔得-_-。搞混之前先試試面頭的溶朱古力，好濃郁的dark chocolate。搞混後再飲，都係好濃郁的朱古力味，有少少的raspberry味，好正! 好濃的關係，其實依個size係啱啱好的，如果再大杯D可能會好漏。
之後brownie來到，原來係事先包裝的...唔係新鮮的亦都冇烘返佢，有點兒失望。四個人分細細舊的brownie，用來點杯hot chocolate...風頭畀晒D朱古力溶漿搶過晒，brownie很多的果仁而且鬆軟，不是我喜歡的brownie，對其印象不太深刻。
店員們都對佢地既出品有相當高的認識，好詳細咁講解唔同食品既特點等等。佢地都好極力推介佢地新推出的spring/summer collection，全部都係味道比較特別的朱古力，如ginger等（其他唔係太記得了），但最後安全起見都係叫了較正常的autumn/winter collection，每一款都用了由世界各地來的材料，製作很認真。
又係照片的關係，實物比想像中細好多-_-，但賣相好特別，五粒朱古力係用溶左的朱古力固定係個碟上的（到最後我地本住「食得唔好嘥」的精神，刮埋D朱古力出來食）。小弟揀左Pink Himalayan Caramel，caramel很幼滑，而出面的朱古力較苦，剛好中和左味道。試了小小Red Hazelnut同埋Apricot & Prune Scotch。前者幾香脆的，不錯，而後者則對佢冇咩印象。整體來說係幾好，但係唔係非常非常之出色呢，小弟又唔敢講...因為朱古力好細粒，而且有其他的味道係入面，真係試唔真D朱古力味。下次可能會試下D純朱古力，或者叫多杯野飲算啦。
其實掙扎左一陣應該畀笑臉定係OK好...但Xocolati 70% drink的確出色，而且環境好好（出面的地盤冇晒後應該會更好），雖然價錢未必好吸引，但笑臉都好應該的。
Post
