The Galley by Cafe Proud Wings (Closed)

呢間餐廳個裝修好特別，佢係裝修成一架飛機咁嘅設計，裏邊有冇啲座位係真係好似坐係飛機座位上邊咁，幾得意，朋友喺附近收工，就諗住喺附近食餐飯，所以就嚟咗呢間，因為佢開嘅位置比較入，附近亦都大部份係工廠大廈，所以可能會無咩人知，一入到去氣氛環境好好，，服務態度都好友善😊😊😊店員就俾咗Menu我哋睇，佢哋係分咗唔同嘅set餐，啲名都真係改到飛機餐咁樣，我地揀左商務艙晚餐，二人份量，其實都好夠飽👍🏻每一項都會有得俾你再選擇，首先係個蟹餅，食落好香蟹味，好林，再配埋芒果莎莎醬好開胃，凱撒沙律我地揀左煙三文魚，沙律菜好fresh，然後手工湯就揀左一人一款，一個係南瓜湯，一個係黑松露磨菇湯，2款都好香南瓜味同黑松露味，飲完個湯之後就到個主菜喇😍😍😍我地揀左牛小扒同虎蝦龍蝦汁意大利粉，牛小排叫咗五成熟，味道剛剛好，好軟身，唔會太硬太熟，應該係網銷咁樣去整，因為好香烤味，另外虎蝦龍蝦汁意大利粉，虎蝦好大隻，仲竟然有兩隻咁多，龍蝦汁配落個意粉都好好味，好香鮮龍蝦味，虎蝦亦都好新鮮肉質好彈牙，最後就係有個甜品，係朱古力蛋糕，唔會好甜，所以食落口唔會覺得好漏，整體都不錯👍🏻