Hakawa Chocolate (Closed)

一路都好想飲呢個朱古力好耐，可惜實在太唔就腳了，所以冇黎到。今次終於有機會，特登去試吓，特登到由地鐵站行上山，買完之後又行返落山😂😂-呢杯朱古力好出名，出名到連黃秋生都有介紹，我今次就叫咗78%嘅iced choco. 買完嘅時候店員有好細心同我講可可豆嘅出產地，當然我就金魚腦唔記得啦lol 同時佢有講隻豆會帶啲fruity 同honey 味，都係隻豆自己嘅味，咁我可以試真啲，估唔到可可豆搞到好似咖啡豆咁有學問。-飲第一啖係好濃烈嘅朱古力味，係真係用朱古好溶岀嚟嘅味，飲唔到奶味，飲多幾啖就會taste 到有蜜糖嘅味，甜甜地澀澀地咁，幾過癮。好飲嘅但係我就prefer 飲返我最鍾意嘅Passion 多啲，呢個雖然好飲，但係唔夠滑又有啲澀，我buy Passion 嗰隻滑啲嘅朱古力多啲。其實想試真啲應該叫熱飲先啱，蠢咗。但我認為，試一次就夠，我就覺得未至於要特登上嚟飲，但如果咁啱喺呢頭做嘢/行街，都可以行過嚟試吓既。