堅信號上海生煎皇 (淘大商場2期)

Open Now

Now Closed

今日打8號風球，但出面暫時都好風平浪靜，樓下食肆好多都重做緊生意，係超市買左少少餸準備聽日可能掛10號風球後，就唸住買個外賣返去做午餐。我今次揀堅信號既上海排骨菜飯跟一杯綠茶（51蚊），另外叫多份堅信生煎包兩隻（14蚊）。排骨炸得有少少過火，而且肉質比較鞋口，無晒水份，味道可以接受，份量都算多，而菜飯就無咩特別，正正常常，菜同飯既比例平均。而生煎包就做得唔錯，外皮有少少脆口，咬一少啖，先吸左入面既湯汁，湯味唔會過鹹，而家湯汁好充足又夠熱，再食到入面既餡料，有豬肉同少量蔬菜，以14蚊有兩粒都算幾抵食。