Video
Read full review
2021-04-25
188 views
今日預約左晚餐同男友慶祝，揀左8道菜的海鮮及45日乾式熟成牛扒，非常豐富，且餐廳服務勤快有禮。環境寛闊，裝潢有氣氛，餐廳會按客人進食速度，一道一道上菜，可以慢慢食，舒適傾計進餐。Crab and Lobeter Bisque蟹肉龍蝦湯溫熱好香，蟹肉絲豐富，個湯質感濃厚，好幼滑微微咸，食到個湯嘅鮮味。Tuna Steak吞拿魚厚切好有肉感，魚味濃郁唔會腥，肉質嫩滑柔軟，魚肉上面的芒果沙沙好開胃，酸酸甜甜好夾吞拿魚，而且份量頗多。Oysters焗蠔上菜時已經好香，有芝士同bb菠菜，入口先係水嫩飽滿的蠔肉，鮮美口感佳，再配香濃芝士同清淡菠菜，味道平衡。Foie Gras鵝肝煎的外脆內軟，入口香濃，味道久久不散，用左port wine做焦糖汁，甜味中和鵝肝的膩感，加上溫泉蛋同食，口感更滑更香濃。Seasonal Clams估唔到帶點泰式風味，因為用左檸檬葉同薑做成忌廉汁來煮蛤蜊。size有大隻細隻，大的很厚身爽口，細的也鮮甜，醬汁更帶起海鮮的鮮味及口感。Whole Lobster每人半隻龍蝦，面層芝士焗得金黃香口，拉絲芝士咸香惹味，蓋著鮮嫩彈牙的龍蝦，鮮味十足肉質濕潤，龍蝦味特濃。配沙律菜及
今日預約左晚餐同男友慶祝，揀左8道菜的海鮮及45日乾式熟成牛扒，非常豐富，且餐廳服務勤快有禮。環境寛闊，裝潢有氣氛，餐廳會按客人進食速度，一道一道上菜，可以慢慢食，舒適傾計進餐。
Crab and Lobeter Bisque
蟹肉龍蝦湯溫熱好香，蟹肉絲豐富，個湯質感濃厚，好幼滑微微咸，食到個湯嘅鮮味。
Tuna Steak
吞拿魚厚切好有肉感，魚味濃郁唔會腥，肉質嫩滑柔軟，魚肉上面的芒果沙沙好開胃，酸酸甜甜好夾吞拿魚，而且份量頗多。
Oysters
焗蠔上菜時已經好香，有芝士同bb菠菜，入口先係水嫩飽滿的蠔肉，鮮美口感佳，再配香濃芝士同清淡菠菜，味道平衡。
Foie Gras
鵝肝煎的外脆內軟，入口香濃，味道久久不散，用左port wine做焦糖汁，甜味中和鵝肝的膩感，加上溫泉蛋同食，口感更滑更香濃。
Seasonal Clams
估唔到帶點泰式風味，因為用左檸檬葉同薑做成忌廉汁來煮蛤蜊。size有大隻細隻，大的很厚身爽口，細的也鮮甜，醬汁更帶起海鮮的鮮味及口感。
Whole Lobster
每人半隻龍蝦，面層芝士焗得金黃香口，拉絲芝士咸香惹味，蓋著鮮嫩彈牙的龍蝦，鮮味十足肉質濕潤，龍蝦味特濃。配沙律菜及cous cous，古斯米即係粗麥粉，醬汁係微辣蕃茄醬，配海鮮好有地中海風味。
龍蝦鉗也處理好，方便客人進食，鉗肉扎實又爽彈。
45 Days Dry Aged Greater Omaha Striploin
餐廳用美國頂級品牌的Greater Omaha的牛肉，由頂尖美國牧場出產的優質安格斯聞名，肉質及脂肪分佈較好。
用里脊肉經45日的乾式熟成，令肉質更嫩更多肉汁，味道更濃重，餐廳更推介以5成熟為最佳。
味道確實較一般牛扒更突出更嫩，配炒雜菇及蔬菜，味道更香。
甜品有檸檬撻，賣相吸引。個cream好輕盈清新，撻皮有牛油香，中間還有一層檸檬醬及檸檬碎，酸甜平衡好refresh。
Chocolate Lava Cake
朱古力味好rich好香滑，流心效果明顯，食完好sweet好心情。外層蛋糕焗得香脆，中間鬆軟朱古力蛋糕，配埋香滑朱古力流心，完美。
Post
