Video
Read full review
2024-07-25
198 views
<月居酒屋>🔸 陽光廚師的浪漫 🌹大坑街角高質居酒屋🔸 8-courses 廚師發辦都係$788 + 10%想搵個無限時嘅地方傾心事，朋友仔帶我去位置於大坑嘅<月居酒屋>，有被餐廳門面的小竹林驚喜到 🎌🎋 相當日系的居酒屋🏮餐廳嘅座位唔算多，具有空間感，確實幾適合傾心事。Menu好多選擇 📜📜📜 唔想用腦嘅我地直接叫Omakase，8-courses 都係$788，圍起$100 each，其實抵！《前菜》 牛油果桃太郎蕃茄 — 輕輕鋪上淡雪鹽，番茄甜度更上一層樓 🥹 酸味被牛油果嘅脂香中和。（出色！）蟹肉水雲啫喱 — 啫喱嘅酸醋味加強蟹肉嘅鮮味，水雲有加乘作用 🌿 令人更感到開胃。大頭蝦 — 蝦肉幾彈牙本身唔算好特別，原來個精粹係在於啲「膏」 🧡🧡🧡 好似食緊Mousses一樣，口感細膩、鮮度馥郁。（嚿膏出色！）《刺身》 — 當日有五款刺身，師傅明顯地有排版同襯色。可惜餐廳燈光真係麻麻哋，影唔到俾大家睇到底個配色有幾有藝術感 🖼️ 如畫一般留白，淺粉紅色、紅、橙、收尾再一點紅，賞心悅目，難以下手。真係要食材相當新鮮先有咁色水，大頭蝦刺身眼球仍然都係亮澤的
🔸 陽光廚師的浪漫 🌹大坑街角高質居酒屋
🔸 8-courses 廚師發辦都係$788 + 10%
想搵個無限時嘅地方傾心事，朋友仔帶我去位置於大坑嘅<月居酒屋>，有被餐廳門面的小竹林驚喜到 🎌🎋 相當日系的居酒屋🏮餐廳嘅座位唔算多，具有空間感，確實幾適合傾心事。
Menu好多選擇 📜📜📜 唔想用腦嘅我地直接叫Omakase，8-courses 都係$788，圍起$100 each，其實抵！
《前菜》
牛油果桃太郎蕃茄 — 輕輕鋪上淡雪鹽，番茄甜度更上一層樓 🥹 酸味被牛油果嘅脂香中和。（出色！）
蟹肉水雲啫喱 — 啫喱嘅酸醋味加強蟹肉嘅鮮味，水雲有加乘作用 🌿 令人更感到開胃。
大頭蝦 — 蝦肉幾彈牙本身唔算好特別，原來個精粹係在於啲「膏」 🧡🧡🧡 好似食緊Mousses一樣，口感細膩、鮮度馥郁。（嚿膏出色！）
《刺身》 — 當日有五款刺身，師傅明顯地有排版同襯色。可惜餐廳燈光真係麻麻哋，影唔到俾大家睇到底個配色有幾有藝術感 🖼️ 如畫一般留白，淺粉紅色、紅、橙、收尾再一點紅，賞心悅目，難以下手。真係要食材相當新鮮先有咁色水，大頭蝦刺身眼球仍然都係亮澤的 👀
《天婦羅雜錦》 — 堅揪！綁到成條辮仔嘅沙錐魚！除左外觀驚嘆之外，食物嘅水準都相當有料，天婦羅皮唔會厚糴糴，咬破薄脆嘅外皮，軟滑嘅質感，又係出色！
《明太子赤雞卷》— 赤肉公雞包住明太子餡料，淨係睇外觀都知道佢嫩滑Juicy 🤩🤩🤩 食落確實如此，選材使用黃油雞！OK, I buy you!!! 肥美質感使人，垂涎欲滴 🤤
《焦脆乳鴿髀》 — 食到呢度，其實我已經飽左 🤰🏻🤰🏻🤰🏻 外脆內軟嘅口感，成隻髀咁齒好過癮。
《月見和牛丼》 — 🐮和牛同🍳日本蛋，聽落就知Perfect match！！！不過硬係要雞蛋裏挑骨頭的話，我會覺得佢洋蔥浸得唔夠透，食落仍然洋蔥之辛辣味，未至於焦糖化，呢個位有少少扣分。
《魚湯》 — 好耐好耐冇飲過一碗焫嘴嘅湯，真心會焫親條脷嗰種 🥵 食到好飽嗰陣飲碗熱湯，濃魚湯呈奶白色嘅狀態，飲落條食道好C伏 🎋🎋🎋
《甜品》 — 對唔住，我好失禮咁講咗句「鯪魚肉？」 🤣🤣🤣 我想講你地你芝麻蛋糕好足料、好味唷～
我哋由7:00坐到9:30都唔無被催埋單 💯💯💯
餐廳由兩位陽光型師傅掌廚，感受到每一份食物都用心製作 🌹🌹🌹 唔知依啲係唔係叫做男人的浪漫呢？
Post
